ഒട്ടാവ: കാനഡയിലെ ഫെഡറൽ ബജറ്റ് വെട്ടിക്കുറയ്ക്കലിന്റെ ഭാഗമായി ജോലി നഷ്ടപ്പെടാൻ സാധ്യതയുള്ള സർക്കാർ ജീവനക്കാർക്കായി പുതിയ ഓൺലൈൻ സംവിധാനം. പബ്ലിക് സർവീസ് അലയൻസ് ഓഫ് കാനഡ (PSAC) ആരംഭിച്ച ജോബ് മാച്ച്മേക്കിംഗ് പ്ലാറ്റ്ഫോമിൽ ഇതുവരെ ഏകദേശം 2,000 ജീവനക്കാർ രജിസ്റ്റർ ചെയ്തു. രാജ്യത്തെ 40,000 സർക്കാർ ജോലികൾ വെട്ടിക്കുറയ്ക്കാൻ സർക്കാർ തീരുമാനിച്ച സാഹചര്യത്തിലാണ് യൂണിയൻ ഈ നടപടി സ്വീകരിച്ചത്. ജോലി നഷ്ടപ്പെടുന്ന ജീവനക്കാർക്ക് മറ്റ് വകുപ്പുകളിലെ ഒഴിവുകളിലേക്ക് മാറാൻ സഹായിക്കുക എന്നതാണ് ഈ പ്ലാറ്റ്ഫോമിൻ്റെ ലക്ഷ്യം. സ്വമേധയാ നേരത്തേ വിരമിക്കുന്നതിനെക്കുറിച്ച് ആലോചിക്കുന്നവരുടെ തസ്തികകൾ കണ്ടെത്തി, ജോലി നഷ്ടപ്പെടാൻ സാധ്യതയുള്ളവർക്ക് അവിടെ നിയമനം ലഭിക്കാൻ ഇത് വഴിയൊരുക്കും. രജിസ്റ്റർ ചെയ്തവരിൽ ഭൂരിഭാഗം പേരും നിലവിലെ ജോലി ഉപേക്ഷിച്ച് നേരത്തേ വിരമിക്കാൻ ആലോചിക്കുന്നവരാണ്. ട്രഷറി ബോർഡ് സെക്രട്ടേറിയറ്റ്, കാനഡ റെവന്യൂ ഏജൻസി (CRA) പോലുള്ള പ്രധാന വകുപ്പുകളിലെ ജീവനക്കാർക്ക് ഈ സേവനം ലഭ്യമാണ്.
ജീവനക്കാർക്ക് ആവശ്യമായ വിവരങ്ങൾ കൃത്യമായി നൽകുന്നതിൽ സർക്കാർ പരാജയപ്പെട്ടതിനാലാണ് യൂണിയൻ സ്വന്തമായി ഈ സംവിധാനം ഒരുക്കിയതെന്ന് PSAC യൂണിയൻ അറിയിച്ചു. ഈ പ്ലാറ്റ്ഫോം വഴി പരസ്പരം തങ്ങളുടെ ജോലികൾ കൈമാറാൻ ജീവനക്കാർക്ക് അവസരം ലഭിക്കുമെങ്കിലും, അന്തിമ അംഗീകാരം സർക്കാരിൻ്റെ ഭാഗത്തുനിന്നും ഉണ്ടായിരിക്കണം.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Nearly 2,000 public servants using new job matchmaking service
