ബെല്ല കൂള: ബെല്ല കൂളയിൽ കരടിയുടെ ആക്രമണത്തിൽ അമ്മയ്ക്കും മകൾക്കും ദാരുണാന്ത്യം. ജെനിഫർ ബാൽക്കാറസ് (48), മകൾ സെലാ റീഡ് (20) എന്നിവരാണ് മരിച്ചത്. ഇരുവരേയും ശനിയാഴ്ച ഉച്ചകഴിഞ്ഞ് മുതൽ കാണാതാവുകയായിരുന്നു. രാത്രിയായിട്ടും തിരിച്ചെത്താത്തതിനാൽ കുടുംബാംഗങ്ങൾ ഞായറാഴ്ച അധികൃതരെ വിവരം അറിയിച്ചു.
തുടർന്ന് നടത്തിയ തിരച്ചിലിൽ തിങ്കളാഴ്ച ജെനിഫറുടെ മൃതദേഹവും, ചൊവ്വാഴ്ച ഉച്ചയോടെ സെലായുടെ മൃതദേഹവും കണ്ടെത്തുകയായിരുന്നു. ആർട്ട് തെറാപ്പിസ്റ്റായ ജെനിഫറും മകളും വീടിനടുത്തുള്ള വഴിയിലൂടെ വൈകുന്നേരത്തെ ഒരു നടത്തത്തിന് ഇറങ്ങിയപ്പോഴാണ് കരടിയുടെ ആക്രമണമുണ്ടായതെന്നാണ് പ്രാഥമിക വിവരം.
ALSO READ: കാണാതായിട്ട് ഒരു വർഷം; ബി.സിയിൽ 11 വയസ്സുകാരന്റെ മൃതദേഹം കണ്ടെത്തി
പ്രദേശവാസികൾക്ക് വളരെ പരിചിതമായ ഈ വഴിയിൽ അപ്രതീക്ഷിതമായാണ് കരടിയുടെ ആക്രമണം ഉണ്ടായതെന്നാണ് വിവരം. ഈ സംഭവത്തെ തുടർന്ന് പ്രദേശത്ത് വനംവകുപ്പ് ഉദ്യോഗസ്ഥർ പരിശോധനയും സുരക്ഷയും ശക്തമാക്കിയിട്ടുണ്ട്. പ്രിയപ്പെട്ടവരുടെ വേർപാടിന്റെ ഞെട്ടലിലാണ് കുടുംബവും നാട്ടുകാരും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
