മോണ്ട്രിയല്: മോണ്ട്രിയലിന്റെ സൗത്ത് ഷോറില് ഹെലികോപ്റ്റര് തകര്ന്നുവീണ് നാല് പേര് മരിച്ചു. ശനിയാഴ്ച ഉച്ചയ്ക്ക് സെയ്ന്റ്-ബ്രിജിഡ്-ഡി-ഐബര്വില് നഗരസഭയിലെ ഹൈവേ 10-ന് സമീപം റാങ് ഡെ എസ്കോസെയ്സ് മേഖലയിലാണ് ഹെലികോപ്റ്റര് തകര്ന്നുവീണ് തീപിടിച്ചത്.
ഉച്ചയ്ക്ക് 2.30-ഓടെയാണ് ഹെലികോപ്റ്റര് അപകടത്തില്പ്പെട്ടതായി സ്യൂറേറ്റി ദു ക്യുബെക്ക് (SQ) പോലീസിന് വിവരം ലഭിച്ചത്. ഹെലികോപ്റ്ററിലുണ്ടായിരുന്ന നാല് പേരും സംഭവസ്ഥലത്തുവച്ച് തന്നെ മരിച്ചതായി SQ സര്ജന്റ് ഓഡ്രി-ആന് ബിലോദോ അറിയിച്ചു.
അപകടത്തെ തുടര്ന്നുണ്ടായ തീപിടിത്തം രക്ഷാപ്രവര്ത്തകര് ഒരു മണിക്കൂറിനുള്ളില് നിയന്ത്രണവിധേയമാക്കി. മരിച്ചവരുടെ വ്യക്തിവിവരങ്ങള് പോലീസ് പുറത്തുവിട്ടിട്ടില്ല. ഹെലികോപ്റ്ററിന്റെ ഉടമസ്ഥത, എവിടെനിന്നാണ് പറന്നുയര്ന്നത്, എവിടേക്കാണ് പോയിരുന്നത് തുടങ്ങിയ വിവരങ്ങളും പോലീസ് സ്ഥിരീകരിച്ചിട്ടില്ല.
ALSO READ: സസ്കാച്വാനിൽ വിമാനാപകടത്തിൽ കൊല്ലപ്പെട്ടത് ഇന്ത്യൻ വിദ്യാർത്ഥികൾ ; അപകടം പരിശീലനപ്പറക്കലിനിടെ
അപകടത്തിന്റെ കാരണം കണ്ടെത്താന് SQ അന്വേഷണം ആരംഭിച്ചു. സംഭവത്തെക്കുറിച്ച് അറിവുണ്ടെന്ന് കാനഡയുടെ ട്രാന്സ്പോര്ട്ടേഷന് സേഫ്റ്റി ബോര്ഡ് (TSB) അറിയിച്ചു. വിവരങ്ങള് ശേഖരിച്ചുവരികയാണെന്നും അന്വേഷണസംഘം അപകടസ്ഥലത്തേക്ക് പോകുകയാണെന്നും TSB വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
‘Montreal Helicopter Crash Kills Four’
