ടൊറന്റോ: കാനഡയിലെ കോസ്കോ സ്റ്റോറുകളിൽ വിൽക്കുന്ന ഒരു പ്രത്യേക പാൽ ഉൽപ്പന്നം കമ്പനി തിരിച്ചുവിളിച്ചു. ലാക്ടാലിസ് കാനഡ (Lactalis Canada) പുറത്തിറക്കിയ പാൽ ഉൽപ്പന്നത്തിൽ ഗുണനിലവാര പ്രശ്നങ്ങൾ കണ്ടെത്തിയതിനെ തുടർന്നാണ് നടപടി.Lactantia UltraPur 2% 20g Protein & Lactose Free Milk (2 ലിറ്റർ പാക്കറ്റ്) ആണ് തിരിച്ചുവിളിച്ചത്. ജൂൺ 22, 2026 എക്സ്പയറി തീയതിയും 1987085 എന്ന ഐറ്റം നമ്പറുമുള്ള പാക്കറ്റുകളാണ് തിരികെ നൽകാൻ നിർദ്ദേശിച്ചിരിക്കുന്നത്. മെയ്, ജൂൺ മാസങ്ങളിലായി വിറ്റഴിച്ച ഉൽപ്പന്നങ്ങളിലാണ് ഈ പ്രശ്നം കണ്ടെത്തിയിരിക്കുന്നത്.
ഈ പാൽ ഉൽപ്പന്നത്തിൽ വിറ്റാമിൻ എ (Vitamin A), വിറ്റാമിൻ ഡി (Vitamin D) എന്നിവ അനുവദനീയമായ അളവിൽ കൂടുതൽ അടങ്ങിയിട്ടുണ്ടെന്ന് കമ്പനി അറിയിച്ചു. ഉയർന്ന അളവിലുള്ള വിറ്റാമിനുകൾ ആരോഗ്യത്തിന് ഹാനികരമായേക്കാമെന്നതിനാൽ ഈ പാൽ കുടിക്കുകയോ ഉപയോഗിക്കുകയോ ചെയ്യരുതെന്ന് കർശനമായ നിർദ്ദേശമുണ്ട്.
ഈ ബാച്ചിൽപ്പെട്ട പാൽ കൈവശമുള്ളവർ അത് ഉപയോഗിക്കാതെ കോസ്കോ വെയർഹൗസുകളിൽ തിരികെ നൽകുക. ഇതിലൂടെ മുഴുവൻ തുകയും തിരികെ ലഭിക്കുന്നതാണ്. ഈ പാൽ ഉപഭോഗം ചെയ്ത ശേഷം എന്തെങ്കിലും ശാരീരിക അസ്വാസ്ഥ്യങ്ങൾ അനുഭവപ്പെടുകയാണെങ്കിൽ ഉടൻ തന്നെ വൈദ്യസഹായം തേടണമെന്നും കമ്പനി അറിയിച്ചിട്ടുണ്ട്. കൂടുതൽ വിവരങ്ങൾക്ക് കോസ്കോയുടെ ഔദ്യോഗിക വെബ്സൈറ്റ് സന്ദർശിക്കാവുന്നതാണ്.
Milk recalled at Costco Canada
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
