മാനിറ്റോബ: മാനിറ്റോബയിലുള്ള ലിൻ ലേക്ക് കാട്ടുതീ ഭീഷണിയിൽ. തീ അതിവേഗം ജനവാസ മേഖലയിലേക്ക് പടരുന്ന സാഹചര്യത്തിൽ, എല്ലാ താമസക്കാരോടും ഉടൻ ഒഴിഞ്ഞുപോകാന് അധികൃതർ അടിയന്തര ഉത്തരവ് പുറപ്പെടുവിച്ചു. ഒഴിയാൻ സഹായം ആവശ്യമുള്ളവർക്കായി ലിൻ ലേക്ക് വിമാനത്താവളത്തിൽ നിന്ന് വ്യോമമാർഗ്ഗം സൗകര്യം ഒരുക്കിയിട്ടുണ്ട്. ഇതിനായി ടൗൺ ഓഫീസിൽ നിന്ന് വിമാനത്താവളത്തിലേക്ക് പ്രത്യേക ബസ് സർവീസും ഏർപ്പെടുത്തി.
ബ്രാൻഡനിലെ വിക്ടോറിയ ഇന്നിലാണ് ദുരിതാശ്വാസ ക്യാമ്പ് പ്രവർത്തിക്കുന്നത്. ബന്ധുവീടുകളിൽ സൗകര്യമില്ലാത്തവർക്ക് ബ്രാൻഡനിൽ താമസ സൗകര്യം ക്രമീകരിച്ചിട്ടുണ്ടെന്നും, ഇതിനായി ടൗൺ ഓഫീസുമായി ബന്ധപ്പെടണമെന്നും അധികൃതർ അറിയിച്ചു. ഒഴിപ്പിക്കപ്പെടുന്നവർ ഓൺലൈനായോ നേരിട്ടോ മുൻകൂട്ടി രജിസ്റ്റർ ചെയ്യണം. തീ നിയന്ത്രിക്കാൻ ആവശ്യമായ വിഭവങ്ങൾ ലഭ്യമല്ലാത്തത് കടുത്ത വെല്ലുവിളിയാണെന്ന് മേയർ ബ്രാൻഡൻ ഡുലെവിച്ച് വ്യക്തമാക്കി.
കഴിഞ്ഞ വർഷവും സമാനമായ സാഹചര്യത്തിൽ ലിൻ ലേക്ക് നിവാസികളെ ഒഴിപ്പിച്ചിരുന്നു. തങ്ങളുടെ കമ്മ്യൂണിറ്റിക്ക് നേരിടേണ്ടി വരുന്ന ഈ പ്രതിസന്ധിയിൽ അതീവ ദുഃഖമുണ്ടെന്നും, എല്ലാവരുടെയും സുരക്ഷയ്ക്കാണ് മുൻഗണന നൽകുന്നതെന്നും മേയർ കൂട്ടിച്ചേർത്തു. പ്രവിശ്യാ ഭരണകൂടം എല്ലാവിധ പിന്തുണയും വാഗ്ദാനം ചെയ്തിട്ടുണ്ട്.
Lynn Lake under mandatory evacuation order due to wildfire
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
