കോഴിക്കോട്: കേരളത്തിൽ ഇൻസ്റ്റാഗ്രാമിൽ ഏറെ ശ്രദ്ധേയമായ ‘കുട്ടി സഖാവ്’ എന്ന പേജ് മെറ്റ പൂട്ടി. കുട്ടി സഖാക്കളെ പരിചയപ്പെടുത്തിക്കൊണ്ട് കോഴിക്കോട് സ്വദേശിയായ ഇൻസ്റ്റാഗ്രാം വൈറൽ താരം മുഹമ്മദ് സിയാൻ ചെയ്ത വീഡിയോയ്ക്ക് പിന്നാലെയാണ് മെറ്റയുടെ ഈ നടപടി. ചുരുങ്ങിയ സമയത്തിനുള്ളിൽ തരംഗമായ ഈ വീഡിയോ 24 മണിക്കൂറിനകം രണ്ട് മില്യൺ വ്യൂസ് നേടിയിരുന്നു.
പ്രമുഖരുടെ കമന്റുകളും പ്രതികരണവും
പ്രതിപക്ഷ നേതാവ് പിണറായി വിജയൻ, പി.എ. മുഹമ്മദ് റിയാസ് എം.എൽ.എ തുടങ്ങിയ പ്രമുഖ രാഷ്ട്രീയ നേതാക്കൾ പങ്കുവെച്ച കമന്റുകൾ ഈ വീഡിയോയുടെ പ്രചാരം വർദ്ധിപ്പിച്ചിരുന്നു. അക്കൗണ്ട് തിരിച്ചുപിടിക്കാനായി അപ്പീൽ നൽകിയിട്ടുണ്ടെന്ന് സിയാന്റെ പിതാവ് അറിയിച്ചു. അക്കൗണ്ട് പൂട്ടിച്ചതിൽ സങ്കടമില്ലെന്നും മനസ്സിലാണ് ചെങ്കൊടിയെന്നും ഇനിയും വീഡീയോകൾ ചെയ്യുമെന്നും സിയാൻ പ്രതികരിച്ചു.
മെറ്റയുടെ തുടർച്ചയായ സെൻസർഷിപ്പ്
അടുത്തിടെ കേരളത്തിലെ പ്രമുഖ മാധ്യമങ്ങളുടെ വാർത്തകളും വിവിധ സോഷ്യൽ മീഡിയ പേജുകളും മെറ്റ തുടർച്ചയായി നീക്കം ചെയ്യുന്നത് വലിയ ചർച്ചയായിട്ടുണ്ട്. മുഖ്യമന്ത്രി വി.ഡി. സതീശന്റെ പേര് പരാമർശിക്കുന്നതും വിമർശിക്കുന്നതുമായ മുപ്പതോളം വാർത്താ കാർഡുകളാണ് റിപ്പോർട്ടർ ടി.വിയുടേതായി മെറ്റ നീക്കിയത്. എന്നാൽ മാധ്യമ സ്ഥാപനത്തിന്റെ ശക്തമായ അപ്പീലിനെയും പരാതിയെയും തുടർന്ന് ഈ കാർഡുകൾ പിന്നീട് മെറ്റ പുനഃസ്ഥാപിക്കുകയുണ്ടായി.
വിശദീകരണവുമായി പോലീസും മുഖ്യമന്ത്രിയും
വിമർശന സ്വഭാവമുള്ള പോസ്റ്റുകൾ നീക്കം ചെയ്യുന്നതിൽ തങ്ങൾക്ക് യാതൊരു പങ്കുമില്ലെന്ന് കേരള പോലീസും മുഖ്യമന്ത്രിയും വ്യക്തമാക്കി. ഇത്തരത്തിലുള്ള പോസ്റ്റുകൾ നീക്കാൻ പൊലീസോ സർക്കാരോ ആവശ്യപ്പെട്ടിട്ടില്ലെന്ന് ചൂണ്ടിക്കാട്ടിയ മുഖ്യമന്ത്രി, തന്റെ ഓഫീസിന്റെ ഔദ്യോഗിക പേജായ ‘CMO Kerala’ ലഭ്യമാക്കാൻ നൽകിയ അപേക്ഷയിൽ പോലും മെറ്റ ഇതുവരെ നടപടി എടുത്തിട്ടില്ലെന്നും വ്യക്തമാക്കി. വിഷയം സംബന്ധിച്ച് കേരള പോലീസ് മെറ്റയോട് വിശദീകരണം തേടിയിട്ടുണ്ട്.
Prominent people including Pinarayi Vijayan commented on the video; ‘Kutty Sakhav’ page locked and meta
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
