നയാഗ്ര ഫാൾസ്: നയാഗ്ര ഫാൾസ് സിറ്റി കൗൺസിലിലേക്ക് നടക്കുന്ന തിരഞ്ഞെടുപ്പിൽ മലയാളിയായ ജിറ്റോ ടോം സ്ഥാനാർത്ഥിയായി മത്സരിക്കുന്നു. കഴിഞ്ഞ 12 വർഷമായി നയാഗ്ര ഫാൾസ് നഗരത്തിൽ സ്ഥിരതാമസക്കാരനായ ജിറ്റോ ടോം, പ്രദേശത്തിന്റെ വളർച്ചയും ഭരണമികവും ലക്ഷ്യമിട്ടാണ് മത്സരരംഗത്തിറങ്ങിയിരിക്കുന്നത്. പ്രാദേശിക വികസനം, നികുതി ഇളവുകൾ, സുരക്ഷിതമായ അന്തരീക്ഷം എന്നിവ മുന്നോട്ടുവെച്ചാണ് അദ്ദേഹം ജനവിധി തേടുന്നത്.
കുടുംബങ്ങൾക്ക് ആശ്വാസമാകുന്ന രീതിയിൽ പ്രോപ്പർട്ടി നികുതി കുറയ്ക്കുക, വേനൽക്കാലത്തെ വെള്ളത്തിന്റെ ഉപയോഗത്തിന് മലിനജല റിബേറ്റ് ലഭ്യമാക്കുക എന്നിവയാണ് പ്രധാന തിരഞ്ഞെടുപ്പ് വാഗ്ദാനങ്ങൾ. കൂടാതെ നഗരത്തിലെ പുതിയ സൗത്ത് നയാഗ്ര ആശുപത്രിക്ക് പിന്തുണ നൽകുക, കൂടുതൽ കുടുംബ ഡോക്ടർമാരെ ആകർഷിക്കുക, വിനോദസഞ്ചാര-വ്യാപാര മേഖലകളെ ശക്തിപ്പെടുത്തി പ്രാദേശിക തൊഴിലവസരങ്ങൾ വർദ്ധിപ്പിക്കുക തുടങ്ങിയ കാര്യങ്ങൾക്കും അദ്ദേഹം മുൻഗണന നൽകുന്നു. കുറഞ്ഞ ചെലവിലുള്ള ഭവനപദ്ധതികൾ പ്രോത്സാഹിപ്പിക്കുമെന്നും പാർക്കുകളും പൊതുഇടങ്ങളും മെച്ചപ്പെടുത്തുമെന്നും അദ്ദേഹം വ്യക്തമാക്കി.
ALSO READ: കോടികളുടെ ലഹരി മിഠായികളും ഹാഷിഷും; കാനഡയെ ഞെട്ടിച്ച് ഓൺലൈൻ കഞ്ചാവ് വേട്ട
ടൊറന്റോ മെട്രോപൊളിറ്റൻ സർവകലാശാലയിൽ നിന്ന് മാസ്റ്റർ ഓഫ് എഞ്ചിനിയറിംഗ് (M.Eng.) ബിരുദം നേടിയിട്ടുള്ള ജിറ്റോ ടോം നിലവിൽ ഇൻഡസ്ട്രിയൽ എഞ്ചിനീയറായി ജോലി ചെയ്തുവരികയാണ്. നയാഗ്ര ഫാൾസ് നഗരത്തിന്റെ ഡി.ഇ.ഐ (DEI) അഡ്വൈസറി കമ്മിറ്റി അംഗമായി പ്രവർത്തിക്കുന്ന അദ്ദേഹത്തിന് 2024-ൽ നഗരസഭയുടെ കമ്മ്യൂണിറ്റി വോളണ്ടിയർ അവാർഡും ലഭിച്ചിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
