കുവൈത്ത് : ഇന്ത്യൻ പൗരന്മാർക്ക് എംബസി വഴി നൽകി വന്നിരുന്ന സൗദി ട്രാൻസിറ്റ് വിസ നടപടികൾ അടിയന്തരമായി നിർത്തിവെച്ചതായി കുവൈത്തിലെ ഇന്ത്യൻ എംബസി. വരാനിരിക്കുന്ന ഹജ്ജ് സീസണിലെ തിരക്ക് കണക്കിലെടുത്ത് സൗദി ഭരണകൂടം ഏർപ്പെടുത്തിയ പുതിയ നിയന്ത്രണങ്ങളുടെ പശ്ചാത്തലത്തിലാണ് ഈ നടപടിയെന്ന് അധികൃതർ വ്യക്തമാക്കി.
ഹജ്ജ് തീർത്ഥാടന കാലയളവിൽ യാത്രക്കാരുടെ എണ്ണത്തിലുണ്ടാകുന്ന വർധനവ് നിയന്ത്രിക്കുന്നതിന്റെ ഭാഗമായാണ് സൗദി അറേബ്യ ട്രാൻസിറ്റ് വിസകൾക്ക് നിയന്ത്രണം ഏർപ്പെടുത്തിയത്. ഇതുപ്രകാരം ഏപ്രിൽ 15 മുതൽ ട്രാൻസിറ്റ് വിസയ്ക്കുള്ള അപേക്ഷകൾ സ്വീകരിക്കുന്നത് എംബസി അവസാനിപ്പിച്ചു. അടുത്ത അറിയിപ്പ് ഉണ്ടാകുന്നത് വരെ ഈ നിയന്ത്രണം തുടരുമെന്നും പത്രക്കുറിപ്പിൽ പറയുന്നു.
സൗദി അറേബ്യ വഴി യാത്ര പ്ലാൻ ചെയ്യുന്ന ഇന്ത്യൻ പൗരന്മാർ ടിക്കറ്റ് ബുക്ക് ചെയ്യുന്നതിന് മുൻപ് അതത് എയർലൈനുകളുമായി ബന്ധപ്പെട്ട് വിസ നടപടിക്രമങ്ങൾ ഉറപ്പുവരുത്തണമെന്ന് എംബസി നിർദ്ദേശിച്ചു. ഇമിഗ്രേഷൻ നിയമങ്ങളിലെ മാറ്റങ്ങളും നിലവിലെ ട്രാൻസിറ്റ് സാഹചര്യങ്ങളും കൃത്യമായി മനസ്സിലാക്കിയ ശേഷം മാത്രമേ യാത്രകൾ ക്രമീകരിക്കാവൂ എന്നും യാത്രക്കാർക്ക് ജാഗ്രതാ നിർദ്ദേശം നൽകിയിട്ടുണ്ട്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Restrictions on travelers: Indian Embassy in Kuwait temporarily suspends Saudi transit visa services
