ഓട്ടവ: ഗാറ്റിനോ പാര്ക്കില് ഈ മാസം കണ്ടെത്തിയ മനുഷ്യാവശിഷ്ടങ്ങള് ഫെബ്രുവരി മുതല് കാണാതായിരുന്ന ഓട്ടവ സ്വദേശി ലുഡോവിക് ആന്റണി ഫ്ലോറന്റ് ഷാവിന്റെതാണെന്ന് പോലീസ് സ്ഥിരീകരിച്ചു. 44-കാരനായ ഷാവിന്റെ അവശിഷ്ടങ്ങള് സെപ്റ്റംബര് 7-ന് ഒരു കാല്നടയാത്രക്കാരനാണ് പാര്ക്കിലെ പാതയില് കണ്ടെത്തിയത്.
ഫെബ്രുവരി 8 മുതലാണ് ഷാവിനെ കാണാതായത്. ഫെബ്രുവരി 14-ന് മീച്ച് തടാകത്തിന് സമീപമുള്ള P11 പാര്ക്കിങ് സ്ഥലത്ത് അദ്ദേഹത്തിന്റെ വാഹനം കണ്ടെത്തിയിരുന്നു. തുടര്ന്ന് നടത്തിയ തിരച്ചിലില് അദ്ദേഹത്തെ കണ്ടെത്താനായിരുന്നില്ല.
അവശിഷ്ടങ്ങള് കണ്ടെത്തിയതിനെ തുടര്ന്ന് P11-ന് ഏകദേശം അഞ്ച് കിലോമീറ്റര് വടക്കുള്ള P16 പാര്ക്കിങ് സ്ഥലത്തിന് സമീപത്തെ ചില പാതകള് പോലീസ് അടച്ചിരുന്നു.
ALSO READ: വാക്സിൻ നയത്തിനെതിരെ കേസ് കൊടുത്ത മുൻ ജൂത സൈനികൻ പോലീസുമായുള്ള ഏറ്റുമുട്ടലിൽ കൊല്ലപ്പെട്ടു
ഷാവിന് ക്രിമിനല് ആക്രമണത്തിന്റെ ഇരയല്ലെന്ന പോലീസ് അറിയിച്ചു. സംഭവവുമായി ബന്ധപ്പെട്ട കൂടുതല് വിവരങ്ങള് പുറത്തുവിടില്ലെന്നും അധികൃതര് വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
‘Human Remains Found in Gatineau Park Identified’
