കാൺപൂർ: ആദ്യവിവാഹം വേർപെടുത്താതെ രഹസ്യമായി രണ്ടാമതും വിവാഹം കഴിക്കാൻ ശ്രമിച്ച യുവാവിന്റെ വിവാഹച്ചടങ്ങ് വേദിയിലെത്തി മുടക്കി ആദ്യഭാര്യ. ഉത്തർപ്രദേശിലെ കാൺപൂരിലാണ് സംഭവം. വരൻ തന്റെ നിയമപരമായ ഭർത്താവാണെന്ന് യുവതി വ്യക്തമാക്കിയതോടെ വിവാഹച്ചടങ്ങുകൾ തടസ്സപ്പെടുകയും പിന്നാലെ പോലീസ് സ്ഥലത്തെത്തി വരനെ കസ്റ്റഡിയിലെടുക്കുകയുമായിരുന്നു.
2022-ലാണ് 32-കാരനായ യുവാവും 27-കാരിയായ പരാതിക്കാരിയും തമ്മിലുള്ള വിവാഹം നടന്നത്. എന്നാൽ കുടുംബപ്രശ്നങ്ങളെ തുടർന്ന് ഇരുവരും വേർപിരിഞ്ഞു താമസിക്കുകയായിരുന്നു. ഇതുമായി ബന്ധപ്പെട്ട വിവാഹമോചന കേസ് നിലവിൽ കോടതിയുടെ പരിഗണനയിലാണ്. കേസിൽ അന്തിമതീരുമാനം ആകുന്നതിന് മുൻപാണ് യുവാവ് മറ്റൊരു വിവാഹത്തിന് മുതിർന്നത്. അയൽവാസി വഴിയാണ് ഭർത്താവിന്റെ രണ്ടാം വിവാഹത്തെക്കുറിച്ച് വിവരമറിഞ്ഞതെന്ന് യുവതി പോലീസിനോട് പറഞ്ഞു.
വിവരമറിഞ്ഞ ഉടൻ യുവതി സഹോദരിക്കൊപ്പം വിവാഹവേദിയിലെത്തി ചടങ്ങ് തടയുകയായിരുന്നു. വരന്റെയും വധുവിന്റെയും വീട്ടുകാർ തമ്മിൽ തർക്കമുണ്ടായതിനെ തുടർന്ന് വിവരമറിഞ്ഞെത്തിയ പോലീസാണ് രംഗം ശാന്തമാക്കിയത്. സംഭവത്തിൽ യുവതി നൽകിയ പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
He tried to secretly get married a second time, but things went wrong; his first wife showed up at the wedding venue, followed by the police.
