ഹാലിഫാക്സ്: 1752 സെപ്റ്റംബറിലാണ് ബ്രിട്ടീഷ് സാമ്രാജ്യത്തിലുടനീളം കലണ്ടർ മാറ്റിയത്. ബ്രിട്ടൻ അതുവരെ ഉപയോഗിച്ചിരുന്ന പഴയ ജൂലിയൻ കലണ്ടർ മാറ്റി പുതിയ ഗ്രിഗോറിയൻ കലണ്ടർ സ്വീകരിച്ചു. ഇതിന്റെ ഭാഗമായി സെപ്റ്റംബർ 2-ന് രാത്രി ഉറങ്ങാൻ കിടന്ന ആളുകൾ ഉണർന്നത് സെപ്റ്റംബർ 14-നാണ്. അങ്ങനെ ചരിത്രത്തിൽ നിന്ന് കൃത്യം 11 ദിവസങ്ങൾ അപ്രത്യക്ഷമായി. നോവ സ്കോഷ്യയിലും ഈ മാറ്റം വലിയ ചർച്ചയായിരുന്നു.
യൂറോപ്പിലെ മറ്റു രാജ്യങ്ങൾ നേരത്തെ തന്നെ പുതിയ കലണ്ടർ എടുത്തപ്പോൾ ബ്രിട്ടൻ മാത്രം വർഷങ്ങളോളം പിന്നിലായിരുന്നു. ഈ വ്യത്യാസം കാരണം ഹാലിഫാക്സ് ഗസറ്റ് പത്രത്തിന്റെ പ്രസിദ്ധീകരണവും സെപ്റ്റംബർ 5-ന് പകരം സെപ്റ്റംബർ 16-ലേക്ക് മാറ്റേണ്ടി വന്നു. ഫ്രഞ്ച് സംസാരിക്കുന്ന അക്കാഡിയൻ ജനങ്ങൾ നേരത്തെ തന്നെ പുതിയ കലണ്ടർ ഉപയോഗിച്ചിരുന്നതിനാൽ ബ്രിട്ടീഷുകാരുടെ ഈ മാറ്റം അവർക്ക് വലിയ ആശയക്കുഴപ്പമുണ്ടാക്കിയില്ലെങ്കിലും ഭരണപരമായ തർക്കങ്ങൾക്ക് ഇത് കാരണമായി.
Also Read: കനേഡിയൻ പാർലമെന്റിൽ വീണ്ടും ഉപതിരഞ്ഞെടുപ്പ്; നിർണായക പ്രഖ്യാപനവുമായി മാർക്ക് കാർണി
കലണ്ടറിൽ പെട്ടെന്ന് 11 ദിവസം കൂട്ടിയപ്പോൾ വാടകയും പലിശയും നൽകുന്ന കാര്യത്തിൽ ആളുകൾക്ക് ബുദ്ധിമുട്ട് ഉണ്ടാകുമോ എന്ന ആശങ്കയും ഉയർന്നിരുന്നു. എന്നാൽ ഈ ദിവസങ്ങളുടെ വ്യത്യാസം കാണിച്ച് ആരും ആർക്കും പണം മുൻകൂട്ടി നൽകേണ്ടതില്ല എന്ന് സർക്കാർ വ്യക്തമാക്കി. വലിയ പ്രശ്നങ്ങളൊന്നുമില്ലാതെ ഈ മാറ്റം നടപ്പിലായെങ്കിലും, ഭാവിയിൽ കലണ്ടറുകളിൽ ചെറിയ മാറ്റങ്ങൾ കൂടി വേണ്ടി വന്നേക്കാമെന്ന് ബെഞ്ചമിൻ ഫ്രാങ്ക്ലിൻ അന്നേ ഓർമ്മിപ്പിച്ചിരുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
