കാനഡയിൽ സ്ഥിരതാമസമാക്കാൻ ആഗ്രഹിക്കുന്നവർക്കായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) പുതിയ എക്സ്പ്രസ് എൻട്രി നറുക്കെടുപ്പ് ഫലം പുറത്തുവിട്ടു. 2026 മാർച്ച് 30-ന് നടന്ന ഈ നറുക്കെടുപ്പിൽ പ്രൊവിൻഷ്യൽ നോമിനി പ്രോഗ്രാം (PNP) വഴി തിരഞ്ഞെടുക്കപ്പെട്ട 356 ഉദ്യോഗാർത്ഥികൾക്കാണ് പെർമനന്റ് റെസിഡൻസി (PR) അപേക്ഷ നൽകാൻ ക്ഷണം ലഭിച്ചത്.
ഇത്തവണത്തെ നറുക്കെടുപ്പിൽ കട്ട് ഓഫ് സ്കോർ 802 പോയിന്റാണ് രേഖപ്പെടുത്തിയിരിക്കുന്നത്. കഴിഞ്ഞ മാർച്ച് 16-ന് നടന്ന പിഎൻപി നറുക്കെടുപ്പിനെ അപേക്ഷിച്ച് കട്ട് ഓഫ് സ്കോറിൽ നിന്ന് 60 പോയിന്റിന്റെ വർധനവുണ്ടായി. എന്നാൽ ഈ ഉയർന്ന സ്കോർ കണ്ട് അപേക്ഷകർ ആശങ്കപ്പെടേണ്ടതില്ല. പ്രൊവിൻഷ്യൽ നോമിനേഷൻ ലഭിക്കുന്നവർക്ക് അവരുടെ അടിസ്ഥാന സ്കോറിനൊപ്പം 600 പോയിന്റ് അധികമായി ലഭിക്കും. അതായത്, ഏകദേശം 202 പോയിന്റ് ബേസ് സ്കോർ ഉള്ളവർക്ക് പോലും നോമിനേഷൻ ലഭിച്ചതോടെ ഈ നറുക്കെടുപ്പിൽ ഇടം നേടാൻ സാധിച്ചു.
ഒരേ സ്കോർ ലഭിച്ച ഒന്നിലധികം ആളുകൾ ഉള്ളതിനാൽ ‘ടൈ-ബ്രേക്കിംഗ്’ നിയമവും ഇത്തവണ ബാധകമാക്കിയിട്ടുണ്ട്. 2026 ഫെബ്രുവരി 12-ന് മുൻപ് പ്രൊഫൈലുകൾ സമർപ്പിച്ചവർക്കാണ് മുൻഗണന ലഭിച്ചത്. നിലവിൽ കാനഡയുടെ എക്സ്പ്രസ് എൻട്രി പൂളിൽ രണ്ട് ലക്ഷത്തിലധികം അപേക്ഷകർ കാത്തിരിക്കുന്നുണ്ടെങ്കിലും, പിഎൻപി വഴിയുള്ള ഈ നറുക്കെടുപ്പ് അർഹരായവർക്ക് വലിയ ആശ്വാസമാണ് നൽകുന്നത്. അടുത്ത എക്സ്പ്രസ് എൻട്രി നറുക്കെടുപ്പ് മാർച്ച് 31-നോ ഏപ്രിൽ 1-നോ നടക്കുമെന്നാണ് പ്രതീക്ഷിക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
EXPRESS ENTRY PNP DRAW 2026 MARCH 30
