യുഎഇയിൽ ഈ വർഷത്തെ അറഫാ ദിനത്തോടും ബലിപെരുന്നാളിനോടും അനുബന്ധിച്ചുള്ള ഔദ്യോഗിക അവധി ദിനങ്ങൾ പ്രഖ്യാപിച്ചു. രാജ്യത്ത് ദുൽഹജ്ജ് മാസപ്പിറവി ദൃശ്യമായതിനെ തുടർന്നാണ് മന്ത്രാലയങ്ങൾ ജീവനക്കാർക്കുള്ള ശമ്പളത്തോടുകൂടിയ അവധി പ്രഖ്യാപിച്ചത്. പുതിയ ഉത്തരവ് പ്രകാരം സ്വകാര്യ മേഖലയിലെ ജീവനക്കാർക്ക് നാല് ദിവസത്തെയും പൊതുമേഖലയിൽ ജോലി ചെയ്യുന്നവർക്ക് അഞ്ച് ദിവസത്തെയും ഔദ്യോഗിക അവധിയാണ് ലഭിക്കുക.
പൊതുമേഖലയ്ക്ക് മെയ് 25 തിങ്കളാഴ്ച മുതൽ മെയ് 29 വെള്ളിയാഴ്ച വരെ അഞ്ച് ദിവസമാണ് അവധി നിശ്ചയിച്ചിരിക്കുന്നത്. എന്നാൽ സ്വകാര്യ മേഖലയ്ക്ക് മെയ് 26 ചൊവ്വാഴ്ച (അറഫാ ദിനം) മുതൽ മെയ് 29 വെള്ളിയാഴ്ച വരെയായിരിക്കും നാല് ദിവസത്തെ അവധി ലഭിക്കുക. വാരാന്ത്യ അവധി ദിനങ്ങളായ ശനി, ഞായർ ദിവസങ്ങൾ കൂടി ചേരുന്നതോടെ യുഎഇയിലെ ജീവനക്കാർക്ക് ദീർഘമായ പെരുന്നാൾ ദിനങ്ങൾ ആസ്വദിക്കാൻ സാധിക്കും. പെരുന്നാൾ അവധിക്ക് ശേഷം ജൂൺ 1 തിങ്കളാഴ്ച മുതൽ ഓഫീസുകൾ സാധാരണ നിലയിൽ പ്രവർത്തിച്ചു തുടങ്ങും.
Eid al-Adha; UAE declares public and private sector holidays
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
