ഒട്ടാവ: കാനഡയിലെ പ്രമുഖ റീട്ടെയിൽ ശൃംഖലയായ ഡോളറാമ, തങ്ങളുടെ സ്റ്റോറുകളിൽ വിറ്റഴിച്ച ഗാർലിക് പൗഡർ തിരിച്ചുവിളിക്കുന്നതായി പ്രഖ്യാപിച്ചു. കാനഡയിലെ ഭക്ഷ്യ സുരക്ഷാ ഏജൻസിയായ സി.എഫ്.ഐ.എ (CFIA) ആണ് ഇതുസംബന്ധിച്ച മുന്നറിയിപ്പ് നൽകിയത്.
‘ഹെവൻലി സ്പൈസസ്’ (Heavenly Spices) ബ്രാൻഡിന്റെ 70 ഗ്രാം ഗാർലിക് പൗഡറിലാണ് ‘ബാസിലസ് സെറിയസ്’ (Bacillus cereus) എന്ന ബാക്ടീരിയയുടെ സാന്നിധ്യം കണ്ടെത്തിയത്. ഇതിനെത്തുടർന്ന് ഈ ഉൽപ്പന്നം ഉപയോഗിക്കരുതെന്നും വിൽക്കരുതെന്നും അധികൃതർ കർശന നിർദേശം നൽകിയിട്ടുണ്ട്.
ഈ ബാക്ടീരിയ ശരീരത്തിലെത്തിയാൽ ഛർദ്ദി, വയറിളക്കം തുടങ്ങിയ ആരോഗ്യപ്രശ്നങ്ങൾക്ക് കാരണമാകാം. സാധാരണയായി ഒന്നോ രണ്ടോ ദിവസത്തിനുള്ളിൽ രോഗലക്ഷണങ്ങൾ ഭേദമാകുമെങ്കിലും, ചിലരിൽ കടുത്ത ആരോഗ്യപ്രശ്നങ്ങൾക്കും ഇത് വഴിവെച്ചേക്കാം. മണ്ണിൽ സ്വാഭാവികമായി കാണപ്പെടുന്ന ബാക്ടീരിയയാണ് ബാസിലസ് സെറിയസ്. ഇത് മനുഷ്യരിലും മൃഗങ്ങളിലും ഭക്ഷ്യവിഷബാധയ്ക്ക് കാരണമാകാറുണ്ട്. അതിനാൽ, ഈ ഉൽപ്പന്നം കൈവശമുള്ളവർ ഉടൻ തന്നെ അത് ഒഴിവാക്കുകയോ തിരികെ നൽകുകയോ ചെയ്യേണ്ടതാണ്. കൂടുതൽ വിവരങ്ങൾക്ക് കാനഡയിലെ ഭക്ഷ്യ സുരക്ഷാ ഏജൻസിയുടെ വെബ്സൈറ്റ് പരിശോധിക്കാവുന്നതാണ്.
Dollarama recalls popular kitchen item over ‘microbial contamination’
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
