ടൊറന്റോ: കാനഡയിലേക്ക് കുടിയേറാനും അവിടെ മികച്ച ജോലി കണ്ടെത്താനും ആഗ്രഹിക്കുന്ന പ്രവാസികൾക്കായി കനേഡിയൻ ഗവൺമെന്റ് സംഘടിപ്പിക്കുന്ന ഏറ്റവും വലിയ ഇമിഗ്രേഷൻ മേളയായ ‘ഡെസ്റ്റിനേഷൻ കാനഡ മൊബിലിറ്റി ഫോറം 2026’-ന്റെ രജിസ്ട്രേഷൻ നടപടികൾ ഔദ്യോഗികമായി ആരംഭിച്ചു. ഫ്രഞ്ച് ഭാഷാ പരിജ്ഞാനമുള്ളവർക്കും ഫ്രഞ്ച്, ഇംഗ്ലീഷ് ഭാഷകളിൽ പ്രാവീണ്യമുള്ളവർക്കുമായി (Bilingual) സർക്കാർ നേരിട്ട് സംഘടിപ്പിക്കുന്ന ഈ പരിപാടിയിൽ പങ്കാളിത്തം തികച്ചും സൗജന്യമാണ്. കാനഡയിലെ ക്യുബെക്കിന് പുറത്തുള്ള പ്രവിശ്യകളിലേക്ക് വിദഗ്ധരായ തൊഴിലാളികളെ എത്തിക്കുക എന്നതാണ് ഇമിഗ്രേഷൻ വകുപ്പ് (IRCC) ലക്ഷ്യമിടുന്നത്.
ഈ ഫോറത്തിൽ പങ്കെടുക്കുന്നതിനായി താല്പര്യമുള്ള ഉദ്യോഗാർത്ഥികൾ 2026 ജനുവരി 11-നകം ഓൺലൈനായി രജിസ്റ്റർ ചെയ്യേണ്ടതുണ്ട്. തിരഞ്ഞെടുക്കപ്പെടുന്നവർക്ക് മാത്രമേ ഫോറത്തിൽ പങ്കെടുക്കാനുള്ള ക്ഷണം ലഭിക്കുകയുള്ളൂ. 2026 ഫെബ്രുവരി 2, 3, 4 തീയതികളിൽ ഓൺലൈൻ വഴിയും, ഫെബ്രുവരി 9 മുതൽ 14 വരെയുള്ള തീയതികളിൽ ടുണീഷ്യയിലും പാരിസിലും നേരിട്ടും മേളകൾ നടക്കും. കാനഡയിലെ തൊഴിലുടമകളുമായും ഇമിഗ്രേഷൻ ഉദ്യോഗസ്ഥരുമായും നേരിട്ട് ആശയവിനിമയം നടത്താനും കുടിയേറ്റ നടപടികളെക്കുറിച്ച് കൃത്യമായ വിവരങ്ങൾ മനസ്സിലാക്കാനും ഈ അവസരം പ്രയോജനപ്പെടുത്താം.
നിലവിൽ ഹെൽത്ത് കെയർ, നിർമ്മാണ മേഖല, അധ്യാപനം, ഐടി, ഗതാഗതം എന്നീ മേഖലകളിൽ ജോലി ചെയ്യുന്നവർക്ക് കാനഡയിൽ വൻ തൊഴിൽ സാധ്യതകളാണുള്ളത്. ഫ്രഞ്ച് ഭാഷ സംസാരിക്കുന്നവരുടെ കുടിയേറ്റത്തിന് കാനഡ വലിയ പ്രാധാന്യം നൽകുന്ന സാഹചര്യത്തിൽ, ഭാഷാ പ്രാവീണ്യമുള്ളവർക്ക് സ്ഥിരതാമസത്തിനുള്ള (PR) നടപടികൾ എളുപ്പമാക്കാൻ ഈ ഫോറം സഹായിക്കും. രജിസ്റ്റർ ചെയ്യുമ്പോൾ നൽകുന്ന വിവരങ്ങൾ പിന്നീട് തിരുത്താൻ സാധിക്കില്ല എന്നതിനാൽ അപേക്ഷകർ പ്രത്യേകം ശ്രദ്ധിക്കണം. കാനഡയിലെ സുരക്ഷിതമായ ഭാവിയിലേക്കുള്ള ആദ്യ ചുവടുവെയ്പ്പായി ഈ രാജ്യാന്തര മേളയെ പ്രയോജനപ്പെടുത്താം.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
‘Destination Canada 2026’ registration has begun; you can apply for free
