ടൊറന്റോ: ടൊറന്റോയിലെ ‘സൽസ ഓൺ സെന്റ് ക്ലെയർ’ ഉത്സവത്തിനിടെയുണ്ടായ വെടിവയ്പ്പിൽ രണ്ട് പേർ കൊല്ലപ്പെടുകയും ആറുപേർക്ക് പരിക്കേൽക്കുകയും ചെയ്തു. ശനിയാഴ്ച രാത്രി എട്ട് മണിയോടെ സെന്റ് ക്ലെയർ അവന്യൂ വെസ്റ്റിലായിരുന്നു സംഭവം. ആഘോഷത്തിമിർപ്പിലായിരുന്ന ആയിരക്കണക്കിന് ആളുകളെ ആശങ്കയിലാഴ്ത്തിക്കൊണ്ടാണ് അപ്രതീക്ഷിതമായി വെടിയൊച്ച കേട്ടത്.
ഇതൊരു ആസൂത്രിതമായ വെടിവയ്പ്പാണെന്നും പരസ്പരം ലക്ഷ്യമിട്ട് നടന്ന ആക്രമണമാണിതെന്നും ടൊറന്റോ പോലീസ് ഡെപ്യൂട്ടി ചീഫ് ഫ്രാങ്ക് ബറെഡോ വ്യക്തമാക്കി. സംഭവസ്ഥലത്ത് വലിയ പോലീസ് സന്നാഹം തുടരുകയാണെങ്കിലും പ്രതികളെ പിടികൂടാൻ സാധിച്ചിട്ടില്ല.
വെടിവെച്ചവരെക്കുറിച്ചുള്ള അന്വേഷണം ഊർജ്ജിതമാണെന്നും സംഭവസ്ഥലത്തുനിന്ന് തോക്കുകൾ കണ്ടെടുത്തതായും പോലീസ് അറിയിച്ചു. ടൊറന്റോ മേയർ ഒലിവിയ ചൗ അടക്കമുള്ള പ്രമുഖർ സംഭവത്തെ അപലപിക്കുകയും കുറ്റക്കാർക്കെതിരെ ശക്തമായ നടപടി സ്വീകരിക്കുമെന്ന് ഉറപ്പുനൽകുകയും ചെയ്തു. സുരക്ഷാ മുൻകരുതലിന്റെ ഭാഗമായി സംഭവസ്ഥലത്തേക്ക് പോകരുതെന്ന് പോലീസ് പൊതുജനങ്ങളോട് അഭ്യർത്ഥിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
deadly shooting at Toronto’s Salsa on St. Clair festival
