ന്യൂഡൽഹി: ഡൽഹി വിമാനത്താവളത്തിൽ വിമാനങ്ങളുടെ ചിറകുകൾ തമ്മിൽ കൂട്ടിമുട്ടി. ആകാശ എയറിന്റെയും സ്പൈസ് ജെറ്റിന്റെയും ചിറകുകളാണ് കൂട്ടിമുട്ടിയത്. ആകാശ എയർ യാത്രക്കാരുമായി പുറപ്പെടാൻ തയാറായി നിൽക്കുകയായിരുന്നു. പാർക്കിങ് ബേയിലേക്ക് എത്തിയ സ്പൈസ് ജെറ്റ് വിമാനത്തിന്റെ ചിറക് ആകാശ എയറിൽ ഇടിക്കുകയായിരുന്നു. ലേയിൽ നിന്നും എത്തിയ സ്പൈസ് ജെറ്റ് വിമാനം പാർക്കിങ് ബേയിലേക്ക് നീങ്ങുന്നതിനിടെ, ഹൈദരാബാദിലേക്ക് പുറപ്പെടാൻ തയ്യാറായി നിർത്തിയിട്ടിരുന്ന ആകാശ എയർ വിമാനത്തിന്റെ ചിറകിൽ ഇടിക്കുകയായിരുന്നു. ആഘാതത്തിൽ സ്പൈസ് ജെറ്റ് വിമാനത്തിന്റെ വിംഗ്ലെറ്റ് ഒടിഞ്ഞ് ആകാശ എയർ വിമാനത്തിനുള്ളിലേക്ക് കയറുകയും രണ്ട് വിമാനങ്ങളുടെയും വിംഗ്ലെറ്റ്, സ്റ്റെബിലൈസർ ഭാഗങ്ങൾക്ക് കാര്യമായ തകരാർ സംഭവിക്കുകയും ചെയ്തു.
വിമാനത്തിലുണ്ടായിരുന്ന യാത്രക്കാർക്കോ ജീവനക്കാർക്കോ യാതൊരുവിധ പരിക്കുകളുമില്ലാതെ വലിയൊരു അപകടം ഒഴിവായി. അപകടത്തെത്തുടർന്ന് ആകാശ എയറിലെ യാത്രക്കാരെ സുരക്ഷിതമായി പുറത്തിറക്കുകയും അവർക്കായി മറ്റൊരു വിമാനം ഏർപ്പെടുത്തുകയും ചെയ്തു. ഗേറ്റിലേക്ക് പ്രവേശിക്കുന്നതിനിടെ സ്പൈസ് ജെറ്റ് വിമാനത്തിന് സംഭവിച്ച പിഴവാണ് അപകടത്തിന് കാരണമായതെന്നാണ് പ്രാഥമിക വിവരങ്ങൾ സൂചിപ്പിക്കുന്നത്. എല്ലാവരും സുരക്ഷിതരാണെന്ന് വിമാനക്കമ്പനികൾ ഔദ്യോഗികമായി അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Collision between SpiceJet and Akasa Air at Delhi Airport
