ഷാർലറ്റ്ടൗൺ: പ്രിൻസ് എഡ്വേർഡ് ഐലൻഡിലെ (P.E.I.) ചാർലറ്റ്ടൗണിൽ വാർഷിക പ്രൈഡ് പരേഡ് ശനിയാഴ്ച സംഘടിപ്പിച്ചു. 1994-ൽ പ്രിൻസ് എഡ്വേർഡ് ഐലൻഡിലെ ആദ്യ പ്രൈഡ് മാർച്ചിന് തുടക്കമിട്ടവർ ഉൾപ്പെടെ നൂറുകണക്കിന് ആളുകളാണ് ഇത്തവണത്തെ പരേഡിൽ പങ്കെടുത്തത്. തുല്യാവകാശങ്ങളും പങ്കാളിത്തവും മുൻനിർത്തിയാണ് പരേഡ് സംഘടിപ്പിച്ചതെന്ന് സംഘാടകർ അറിയിച്ചു.
32 വർഷം മുൻപ് നടന്ന ആദ്യ പരേഡിന് നേതൃത്വം നൽകിയ ഡെബ്ര ബെറിഗനും പരേഡിൽ പങ്കെടുത്തു. മുൻകാലങ്ങളെ അപേക്ഷിച്ച് കൂടുതൽ ആളുകളുടെയും പിന്തുണക്കാരുടെയും പങ്കാളിത്തം ഇത്തവണത്തെ പരിപാടിയിലുണ്ടായതായി ഡെബ്ര ബെറിഗൻ വ്യക്തമാക്കി. സമൂഹത്തിൽ തുല്യാവകാശങ്ങൾ ഉറപ്പാക്കാനും സ്വീകാര്യത വർദ്ധിപ്പിക്കാനും ഇത്തരം പരിപാടികൾ സഹായിക്കുമെന്ന് ആദ്യ മാർച്ചിന്റെ സംഘാടകരിൽ ഒരാളായ ട്രോയ് പെറോട്ട്-സാൻഡേഴ്സൺ പറഞ്ഞു.
ഈ വർഷത്തെ പി.ഇ.ഐ പ്രൈഡ് ഫെസ്റ്റിവൽ ഓഗസ്റ്റ് 2 വരെ തുടരുമെന്ന് സംഘാടകർ അറിയിച്ചു. എല്ലാവരെയും ഉൾക്കൊള്ളുന്ന അന്തരീക്ഷം സൃഷ്ടിക്കുകയാണ് ആഘോഷത്തിന്റെ പ്രധാന ലക്ഷ്യമെന്ന് പരേഡിൽ പങ്കെടുത്ത വെൻഡി റേ വ്യക്തമാക്കി. ഫെസ്റ്റിവലിന്റെ പൂർണ്ണമായ വിവരങ്ങൾ Pride P.E.I. വെബ്സൈറ്റിൽ ലഭ്യമാണ്.
Charlottetown hosts annual Pride parade: Hundreds join in celebration
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
