ഷാർലറ്റ്ടൗൺ : പ്രിൻസ് എഡ്വേർഡ് ഐലൻഡിൽ ഈ വർഷത്തെ പ്രൈഡ് ഫെസ്റ്റിവലിന് തുടക്കമായി. ജൂലൈ 24 വെള്ളിയാഴ്ച ഷാർലറ്റ് ടൗൺ സിറ്റി ഹാളിന് മുന്നിൽ പ്രൈഡ് പതാക ഉയർത്തിയതോടെയാണ് ചടങ്ങുകൾ ആരംഭിച്ചത്. പ്രാദേശികമായും അമേരിക്കയിലും വർദ്ധിച്ചുവരുന്ന വിദ്വേഷ പ്രചാരണങ്ങളുടെ പശ്ചാത്തലത്തിൽ, 2SLGBTQ+ സമൂഹത്തിന് ഈ പ്രൈഡ് ഫെസ്റ്റിവൽ ഏറെ പ്രാധാന്യമർഹിക്കുന്നതാണെന്ന് സംഘാടകർ അറിയിച്ചു. പ്രിൻസ് എഡ്വേർഡ് ഐലൻഡിൽ ആദ്യമായി പ്രൈഡ് പരേഡ് നടന്നതിന്റെ 32-ാം വാർഷികമാണ് ഈ വർഷം ആചരിക്കുന്നത്. നൂറിൽ താഴെ ആളുകൾ മാത്രമാണ് ആദ്യ പരേഡിൽ പങ്കെടുത്തത്.
കാനഡയിലും ഇത്തരം വെല്ലുവിളികൾ ടുഎസ്എൽജിബിടിക്യു+ സമൂഹം നേരിടുന്നുണ്ടെന്ന് പ്രൈഡ് പി.ഇ.ഐ എക്സിക്യൂട്ടീവ് ഡയറക്ടർ കാമറൂൺ കാസിഡി വ്യക്തമാക്കി. ഈ സമൂഹത്തിനെതിരെ ഓൺലൈൻ വഴിയുള്ള വിദ്വേഷ ആക്രമണങ്ങൾ വർദ്ധിച്ചുവരുന്നതായി ആംനസ്റ്റി ഇന്റർനാഷണൽ വിലയിരുത്തിയിരുന്നു. പ്രത്യേകിച്ച് ചെറിയ സമൂഹങ്ങളിലും സ്വയം വ്യക്തിത്വം തിരിച്ചറിയാൻ ശ്രമിക്കുന്ന ചെറുപ്പക്കാരിലും ഇത്തരം അധിക്ഷേപകരമായ പരാമർശങ്ങൾ വലിയ പ്രത്യാഘാതം ഉണ്ടാക്കുമെന്നും കാമറൂൺ കാസിഡി കൂട്ടിച്ചേർത്തു.
ഓഗസ്റ്റ് 2 വരെ നീണ്ടുനിൽക്കുന്ന ഫെസ്റ്റിവൽ പ്രവിശ്യയിലെ വിവിധ മുൻസിപ്പാലിറ്റികളിലായിട്ടാണ് സംഘടിപ്പിക്കുന്നത്. ‘പ്രൈഡ് അക്രോസ് ദി ഐലൻഡ്’ എന്ന പേരിൽ ജൂലൈ 26-ന് സമ്മർസൈഡ്, സ്ട്രാറ്റ്ഫോർഡ്, വിക്ടോറിയ തുടങ്ങിയ പ്രദേശങ്ങളിൽ വിവിധ പരിപാടികൾ സംഘടിപ്പിക്കും. തങ്ങൾ പ്രവിശ്യയെ മുഴുവൻ പ്രതിനിധീകരിക്കുന്നതിനാൽ എല്ലായിടത്തും എത്തേണ്ടത് പ്രധാനമാണെന്ന് പ്രൈഡ് പി.ഇ.ഐ പ്രോജക്ട്സ് ആൻഡ് ഇവന്റ്സ് മാനേജർ ഷാന്റൽ ഹൈമാൻ വ്യക്തമാക്കി.
പ്രതിമാസങ്ങൾക്ക് മുൻപ് തന്നെ ഫെസ്റ്റിവലിന്റെ ആസൂത്രണം ആരംഭിച്ചിരുന്നതായി ഭാരവാഹികൾ അറിയിച്ചു. വാർഷിക പരേഡ് പോലുള്ള പ്രധാന പരിപാടികൾക്ക് പുറമെ കമ്മ്യൂണിറ്റി അംഗങ്ങൾ നിർദ്ദേശിക്കുന്ന പരിപാടികൾക്ക് സാമ്പത്തികവും അല്ലാത്തതുമായ പിന്തുണ പ്രൈഡ് പി.ഇ.ഐ നൽകുന്നുണ്ട്. ടുഎസ്എൽജിബിടിക്യു+ സമൂഹത്തിലെ അംഗങ്ങൾക്ക് പരസ്പരം ബന്ധപ്പെടാനും ഒത്തുചേരൽ ഉറപ്പാക്കാനും ഇത്തരം കൂട്ടായ്മകൾ ആവശ്യമാണെന്ന് സംഘാടകർ വ്യക്തമാക്കി.
PEI Pride Festival kicks off; celebrations continue until August 2!
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
