ന്യൂഡൽഹി: ഡൽഹി സമരത്തിന് പിന്നാലെ യൂട്യൂബ്, എക്സ് (X), ഗൂഗിൾ തുടങ്ങിയ പ്രമുഖ സമൂഹമാധ്യമ പ്ലാറ്റ്ഫോമുകളിൽ നിരീക്ഷണം കടുപ്പിച്ച് കേന്ദ്ര സർക്കാർ. പ്ലാറ്റ്ഫോമുകളിലെ അൽഗോരിതം പ്രവർത്തനത്തിൽ ബാഹ്യ ഇടപെടലുകൾ നടക്കുന്നുണ്ടോ എന്നതിനെക്കുറിച്ച് സർക്കാർ അന്വേഷണം ആരംഭിച്ചിട്ടുണ്ട്. ഉപയോക്താക്കൾക്ക് വീഡിയോകൾ നിർദ്ദേശിക്കുന്ന (Suggesting) രീതിയിൽ പ്രത്യേക പരിശോധന നടത്താനാണ് കേന്ദ്രത്തിന്റെ നീക്കം. കൂടാതെ, നിലവിലെ അൽഗോരിതത്തിൽ ആവശ്യമായ മാറ്റങ്ങൾ വരുത്തണമെന്ന് കേന്ദ്ര സർക്കാർ മെറ്റയോട് (Meta) ആവശ്യപ്പെട്ടതായും ഇതിൻമേൽ ഇരുവിഭാഗവും തമ്മിൽ തുടർച്ചർച്ചകൾ നടക്കുമെന്നും റിപ്പോർട്ടുകളുണ്ട്.
സർക്കാരിന്റെ ഈ നടപടിക്കെതിരെ രാജ്യത്തെ പ്രതിപക്ഷ പാർട്ടികൾ ശക്തമായ പ്രതിഷേധവുമായി രംഗത്തെത്തിയിട്ടുണ്ട്. ഡൽഹിയിലെ സിജെപി (CJP) സമരത്തിന് പിന്നാലെ കേന്ദ്ര സർക്കാർ സമൂഹമാധ്യമങ്ങളെ മനഃപൂർവം വേട്ടയാടുകയാണെന്ന് പ്രതിപക്ഷം ആരോപിക്കുന്നു. പ്രതിപക്ഷ നേതാക്കളുടെയും സംഘടനകളുടെയും സമൂഹമാധ്യമ അക്കൗണ്ടുകൾക്ക് സർക്കാർ നിയന്ത്രണം ഏർപ്പെടുത്തിയതായും, സർക്കാർ വിരുദ്ധ വീഡിയോകൾ ജനങ്ങളിലേക്ക് എത്തുന്നത് തടയാനാണ് ഇത്തരം നീക്കങ്ങളെന്നും നേതാക്കൾ കുറ്റപ്പെടുത്തി. ഈ നടപടി പൗരാവകാശങ്ങൾക്കും അഭിപ്രായ സ്വാതന്ത്ര്യത്തിനും മേലുള്ള കടന്നുകയറ്റമാണെന്ന് സൗരവ് ദാസ് ഉൾപ്പെടെയുള്ള പ്രതിപക്ഷ വക്താക്കൾ വ്യക്തമാക്കി.
നേരത്തെ, ഡൽഹിയിലെ കോക്രോച്ച് ജനതാ പാർട്ടി സമരവുമായി ബന്ധപ്പെട്ട് ഉയർന്ന നിരവധി റീലുകളും വീഡിയോകളും ഇൻസ്റ്റഗ്രാം അടക്കമുള്ള പ്ലാറ്റ്ഫോമുകളിൽ നിന്ന് നീക്കം ചെയ്തതായി പരാതി ഉയർന്നിരുന്നു. കേന്ദ്ര സർക്കാർ പ്രതിനിധികളും മെറ്റാ അധികൃതരും തമ്മിൽ നടത്തിയ കൂടിക്കാഴ്ചയ്ക്ക് തൊട്ടുപിന്നാലെയാണ് ദശലക്ഷക്കണക്കിന് ആളുകൾ കണ്ട വീഡിയോകൾ വ്യാപകമായി അപ്രത്യക്ഷമായത്. യൂത്ത് കോൺഗ്രസ്, അരവിന്ദ് കെജ്രിവാൾ തുടങ്ങിയവരുടെ ഔദ്യോഗിക പേജുകളിലെ ചില പോസ്റ്റുകൾ ഇന്ത്യയിൽ ബ്ലോക്ക് ചെയ്തതായും ആരോപണമുണ്ട്. എന്നാൽ, കമ്മ്യൂണിറ്റി മാനദണ്ഡങ്ങൾ ലംഘിച്ചതിനാലാണ് ബന്ധപ്പെട്ട ഉള്ളടക്കങ്ങൾ നീക്കം ചെയ്തതെന്നാണ് വിഷയത്തിൽ മെറ്റ നൽകുന്ന ഔദ്യോഗിക വിശദീകരണം.
Centre Tightens Social Media Monitoring, Asks Meta to Change Algorithm
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
