ഓട്ടവ: കാനഡയിലെ മൂന്ന് ഇടങ്ങളിൽ ആഗസ്റ്റ് 31-ന് ഉപതെരഞ്ഞെടുപ്പ് നടക്കുമെന്ന് പ്രധാനമന്ത്രി മാർക്ക് കാർണി പ്രഖ്യാപിച്ചു. ഒന്റാരിയോ, ക്യുബെക്ക്, ബ്രിട്ടീഷ് കൊളംബിയ എന്നീ പ്രവിശ്യകളിലെ മൂന്ന് സീറ്റുകളിലേക്കാണ് വോട്ടെടുപ്പ് നടക്കുന്നത്.
ബീച്ചസ് – ഈസ്റ്റ് യോർക്ക് (ഓന്റാരിയോ), ഷികൂട്ടിമി – ലെ ഫ്യോർഡ് (ക്യുബെക്ക്), നോർത്ത് വാൻകൂവർ – കാപിലാനോ (ബ്രിട്ടീഷ് കൊളംബിയ) എന്നീ മുന്ന് സീറ്റുകളിലേക്കാണ് വോട്ടെടുപ്പ് നടക്കുന്നത്. മുൻ ഫെഡറൽ ഹൗസിങ് മന്ത്രിയും ലിബറൽ എംപിയുമായ നേറ്റ് എർസ്കിൻ-സ്മിത്ത് ഒഴിഞ്ഞതിനെ തുടർന്നാണ് ബീച്ചസ് – ഈസ്റ്റ് യോർക്ക് സീറ്റിൽ ഉപതെരഞ്ഞെടുപ്പ് വരുന്നത്. കൺസർവേറ്റീവ് എംപിയായിരുന്ന റിച്ചാർഡ് മാർടെൽ സെനറ്റിലേക്ക് നിയമിതനായതിനെ തുടർന്ന് ഷികൂട്ടിമി – ലെ ഫ്യോർഡ് സീറ്റും, യൂറോപ്യൻ യൂണിയനിലേക്കുള്ള കാനഡയുടെ അംബാസഡറായി ജോനാഥൻ വോൾകിൻസൺ ചുമതലയേറ്റതിനെ തുടർന്ന് നോർത്ത് വാൻകൂവർ – കാപിലാനോ സീറ്റും ഒഴിവ് വരികയായിരുന്നു.
ഈ ഉപതെരഞ്ഞെടുപ്പിൽ ലിബറൽ പാർട്ടി തങ്ങളുടെ സ്ഥാനാർത്ഥികളെ ഔദ്യോഗികമായി പ്രഖ്യാപിച്ചിട്ടുണ്ട്. തൻവീർ ഷാനവാസ് (ബീച്ചസ് – ഈസ്റ്റ് യോർക്ക്), ഡാനിയൽ ഗോബെയ്ൽ (ഷികൂട്ടിമി – ലെ ഫ്യോർഡ്), ബ്രേഡൻ കാലി (നോർത്ത് വാൻകൂവർ – കാപിലാനോ) എന്നിവരാണ് ലിബറൽ പാർട്ടി സ്ഥാനാർത്ഥികൾ.
Carney calls August byelections for three seats in Ontario, Quebec and B.C.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
