പഞ്ചകുള: കാനഡയിലേക്ക് വർക്ക് വിസ വാഗ്ദാനം ചെയ്ത് 20.8 ലക്ഷം രൂപ തട്ടിയെടുത്ത കേസിൽ പ്രധാന പ്രതി പഞ്ചകുള പൊലീസിന്റെ വലയിലായി. ലുക്ക് ഔട്ട് സർക്കുലർ നിലനിൽക്കെ പൊലീസിനെ വെട്ടിച്ച് നടക്കുകയായിരുന്ന നിഖിൽ ഗുൽഷിയ ആണ് അറസ്റ്റിലായത്. കോടതിയിൽ ഹാജരാക്കിയ പ്രതിയെ മൂന്ന് ദിവസത്തെ പൊലീസ് കസ്റ്റഡിയിൽ വിട്ടു.
റായ്പൂർ റാണി സ്വദേശിയായ ആമിർ സോയിബ് നൽകിയ പരാതിയിലാണ് പൊലീസ് നടപടി. അമരാവതി എൻക്ലേവ് കേന്ദ്രീകരിച്ച് പ്രവർത്തിച്ചിരുന്ന നിഖിൽ ഗുൽഷിയയും കൂട്ടുപ്രതി ലളിത് ഹന്ദയും ചേർന്ന് ആറു മാസത്തിനകം കാനഡയിൽ ജോലിയും വിസയും ശരിയാക്കി നൽകാമെന്ന് വിശ്വസിപ്പിച്ച് പണം തട്ടിയെടുക്കുകയായിരുന്നു. ബാങ്ക് ഇടപാടുകൾ കേന്ദ്രീകരിച്ച് നടത്തിയ അന്വേഷണത്തിൽ പരാതിക്കാരനിൽ നിന്നും മറ്റ് ഇരകളിൽ നിന്നുമായി പ്രതികൾ 20.8 ലക്ഷം രൂപ കൈപ്പറ്റിയതായി വ്യക്തമായി.
READ MORE : നിങ്ങൾ അറിഞ്ഞോ? ഒന്റാറിയോയിൽ കാർ ഇൻഷുറൻസ് പ്രീമിയം കുറയും, പുതിയ നിരക്കുകൾ ഇങ്ങനെ
കേസിലെ രണ്ടാം പ്രതിയായ ലളിത് ഹന്ദയെ ജൂലൈ 12-ന് പൊലീസ് അറസ്റ്റ് ചെയ്തിരുന്നു. അന്നുമുതൽ ഒളിവിലായിരുന്ന നിഖിലിനെതിരെ റായ്പൂർ റാണി പൊലീസ് സ്റ്റേഷനിൽ മറ്റൊരു ഇമിഗ്രേഷൻ തട്ടിപ്പ് കേസ് കൂടി നിലവിലുണ്ട്. തട്ടിപ്പിൽ കൂടുതൽ ആളുകൾക്ക് പങ്കുണ്ടോ എന്നും കൂടുതൽ ആളുകളിൽ നിന്ന് പണം തട്ടിയിട്ടുണ്ടോ എന്നും അന്വേഷിക്കുമെന്ന് പൊലീസ് അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
