ഓട്ടവ: കാനഡ ഇമിഗ്രേഷൻ വകുപ്പ് പുറത്തുവിട്ട എക്സ്പ്രസ് എൻട്രി പൂളിന്റെ ഏറ്റവും പുതിയ കണക്കുകൾ പ്രകാരം അപേക്ഷകരുടെ കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോറുകളിൽ വലിയ മാറ്റങ്ങൾ രേഖപ്പെടുത്തി. ഓഗസ്റ്റ് 16-നും ഓഗസ്റ്റ് 30-നും ഇടയിലുള്ള രണ്ടാഴ്ചത്തെ കാലയളവിൽ ആകെ അപേക്ഷകരുടെ എണ്ണത്തിൽ ചെറിയ കുറവാണ് ഉണ്ടായത്. മൊത്തം അപേക്ഷകരുടെ എണ്ണം 2,26,859-ൽ നിന്ന് 2,26,673 ആയി മാറിയപ്പോഴും, ഉയർന്ന സ്കോറുള്ള ഉദ്യോഗാർത്ഥികളുടെ എണ്ണം കുത്തനെ ഉയർന്നു.
പൂളിലെ കണക്കുകൾ വിശദമായി പരിശോധിച്ചാൽ 501 മുതൽ 600 വരെയുള്ള സ്കോർ ബാന്റിൽ 885 പുതിയ പ്രൊഫൈലുകൾ കൂടിച്ചേർന്ന് ആകെ എണ്ണം 19,542 ആയി മാറി. 501-ന് മുകളിൽ സ്കോറുള്ള മൊത്തം ഉദ്യോഗാർത്ഥികളുടെ എണ്ണം 19,096-ൽ നിന്ന് 20,101 ആയി ഉയരുകയും, 601 മുതൽ 1,200 വരെയുള്ള സ്കോർ ബാന്റിൽ 120 അപേക്ഷകർ വർദ്ധിച്ച് 559-ൽ എത്തുകയും ചെയ്തു. അതേസമയം 351 മുതൽ 400 വരെയുള്ള സിആർഎസ് സ്കോർ ബാന്റിൽ 1,776 പ്രൊഫൈലുകളുടെ വലിയ കുറവുണ്ടായി 46,824 ആയി മാറിയിട്ടുണ്ട്. മറ്റു പ്രൊഫൈൽ വിതരണത്തിൽ 0-300 ബാന്റിൽ 7,735 പേരും, 301-350 ബാന്റിൽ 17,495 പേരും, 401-410 ബാന്റിൽ 10,723 പേരും, 411-420 ബാന്റിൽ 11,183 പേരും ഉൾപ്പെടുന്നു. കൂടാതെ 421-430 ബാന്റിൽ 11,811, 431-440 ബാന്റിൽ 13,233, 441-450 ബാന്റിൽ 13,463, 451-460 ബാന്റിൽ 14,800, 461-470 ബാന്റിൽ 16,099, 471-480 ബാന്റിൽ 16,981, 481-490 ബാന്റിൽ 13,273, 491-500 ബാന്റിൽ 12,952 എന്നിങ്ങനെയാണ് ഉദ്യോഗാർത്ഥികളുടെ എണ്ണം.
ഓഗസ്റ്റ് 16-നും 30-നും ഇടയിൽ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) ആകെ 6,442 ഇൻവിറ്റേഷൻ ടു അപ്ലൈ (ITA) അനുവദിച്ചിരുന്നു. ഇതിൽ ഓഗസ്റ്റ് 17-ന് നടന്ന പ്രൊവിൻഷ്യൽ നോമിനി പ്രോഗ്രാം (PNP) ഡ്രോയിലൂടെ 760 കട്ട്-ഓഫ് സ്കോറിൽ 442 പേർക്കും, ഓഗസ്റ്റ് 18-ന് നടന്ന കനേഡിയൻ എക്സ്പീരിയൻസ് ക്ലാസ് (CEC) ഡ്രോയിലൂടെ 523 കട്ട്-ഓഫ് സ്കോറിൽ 1,000 പേർക്കും ക്ഷണം ലഭിച്ചു. ഈ വർഷത്തെ സിഇസി ഡ്രോകളിൽ ഏറ്റവും ഉയർന്ന കട്ട്-ഓഫ് രേഖപ്പെടുത്തിയത് ഓഗസ്റ്റ് 18-ലെ ഈ ഡ്രോയിലായിരുന്നു. കൂടാതെ ഓഗസ്റ്റ് 19-ന് നടന്ന ഫ്രഞ്ച് ഭാഷാ പ്രാവീണ്യമുള്ളവർക്കായുള്ള ഡ്രോയിലൂടെ 382 കട്ട്-ഓഫിൽ 5,000 പേർക്കും അപേക്ഷിക്കാനുള്ള ക്ഷണം നൽകി.
ഓഗസ്റ്റ് 30-ന് ശേഷമുള്ള ദിനങ്ങളിൽ നടന്ന രണ്ട് ഡ്രോകൾ കൂടി പരിഗണിക്കുമ്പോൾ 2,562 പേർക്ക് കൂടി അപേക്ഷിക്കാനുള്ള ക്ഷണം ലഭിച്ചിട്ടുണ്ട്. ഇതിൽ ഓഗസ്റ്റ് 31-ലെ പിഎൻപി ഡ്രോയിൽ 697 കട്ട്-ഓഫ് സ്കോറിൽ 562 പേർക്കും, സെപ്റ്റംബർ 1-ലെ സിഇസി ഡ്രോയിൽ 521 കട്ട്-ഓഫ് സ്കോറിൽ 2,000 പേർക്കും ഐടിഎ ലഭിച്ചു. ഇതോടെ 2026-ൽ ഇതുവരെ കാനഡ ആകെ 1,17,427 ഐടിഎകൾ വിതരണം ചെയ്തു കഴിഞ്ഞു. ഈ വർഷം നൽകിയ ക്ഷണങ്ങളിൽ ഏറ്റവും കൂടുതൽ വിഹിതം (43.6%) ലഭിച്ചത് കനേഡിയൻ എക്സ്പീരിയൻസ് ക്ലാസ് അപേക്ഷകർക്കാണ്.
ക്യുബെക്കിന് പുറത്തുള്ള പ്രവിശ്യകളിൽ സ്ഥിരതാമസത്തിന് യോഗ്യരായ വിദഗ്ധ തൊഴിലാളികളെ കണ്ടെത്താൻ കാനഡ ഉപയോഗിക്കുന്ന പ്രധാന സംവിധാനമാണ് എക്സ്പ്രസ് എൻട്രി. കനേഡിയൻ എക്സ്പീരിയൻസ് ക്ലാസ്, ഫെഡറൽ സ്കിൽഡ് വർക്കർ പ്രോഗ്രാം, ഫെഡറൽ സ്കിൽഡ് ട്രേഡ്സ് പ്രോഗ്രാം എന്നീ മൂന്ന് വഴികളിലൂടെയാണ് അപേക്ഷകർ എക്സ്പ്രസ് എൻട്രി പൂളിൽ എത്തുന്നത്. പ്രായം, വിദ്യാഭ്യാസം, ഭാഷാ പ്രാവീണ്യം, പ്രവൃത്തിപരിചയം എന്നിവ കണക്കാക്കിയാണ് സിആർഎസ് പോയിന്റുകൾ നൽകുന്നത്. ഇതുകൂടാതെ ഫ്രഞ്ച് പ്രാവീണ്യം, ഹെൽത്ത്കെയർ, എഡ്യൂക്കേഷൻ, ട്രാൻസ്പോർട്ട്, ട്രേഡ്സ് ഉൾപ്പെടെ 10 പ്രത്യേക വിഭാഗങ്ങൾക്കായി കാറ്റഗറി അധിഷ്ഠിത ഡ്രോകളും നടക്കുന്നുണ്ട്. ഇത്തരം കാറ്റഗറി ഡ്രോകളിൽ പൊതു ഡ്രോകളെ അപേക്ഷിച്ച് വളരെ കുറഞ്ഞ സിആർഎസ് സ്കോർ മതിയാകും. ഹെൽത്ത്കെയർ വിഭാഗത്തിലെ കട്ട്-ഓഫ് 467 മുതൽ 475 വരെയായി നിൽക്കുമ്പോൾ, സിഇസി ഡ്രോകളിൽ അത് 507 മുതൽ 523 വരെയെന്ന ഉയർന്ന നിരക്കിലാണ് തുടരുന്നത്.
ALSO READ: കനേഡിയൻ പൗരത്വ അപേക്ഷയിൽ വലിയ ഇളവ്: ഇനി ഈ വിവരങ്ങൾ നൽകേണ്ടതില്ല!
എക്സ്പ്രസ് എൻട്രി വഴി അപേക്ഷിക്കാനുള്ള ക്ഷണം (ITA) ലഭിക്കുന്ന ഉദ്യോഗാർത്ഥികൾക്ക് സ്ഥിരതാമസത്തിനായുള്ള പൂർണ്ണ അപേക്ഷ നൽകാൻ 60 ദിവസത്തെ സാവകാശമുണ്ട്. സാധാരണഗതിയിൽ എക്സ്പ്രസ് എൻട്രി അപേക്ഷകളുടെ പ്രോസസിംഗ് 6 മാസത്തിനുള്ളിൽ പൂർത്തിയാകാറുണ്ട്. എന്നാൽ ബേസ് പ്രൊവിൻഷ്യൽ നോമിനി പ്രോഗ്രാം വഴി അപേക്ഷ പ്രോസസ്സ് ചെയ്യാൻ 12 മുതൽ 20 മാസം വരെ സമയമെടുക്കും. അപേക്ഷ പൂർണ്ണമായി അംഗീകരിക്കപ്പെട്ടാൽ കൺഫർമേഷൻ ഓഫ് പെർമനന്റ് റെസിഡൻസ് (COPR) ലഭിക്കുകയും തുടർന്ന് കാനഡയിലെത്തി ലാൻഡിംഗ് നടപടികൾ പൂർത്തിയാക്കി സ്ഥിരതാമസ പദവി കൈവരിക്കാനും സാധിക്കും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
