ഒട്ടാവ: കാനഡയിൽ സ്ഥിരതാമസാനുമതി (Permanent Residency) ആഗ്രഹിക്കുന്നവർക്കായി എക്സ്പ്രസ് എൻട്രി സംവിധാനത്തിൽ വലിയ മാറ്റങ്ങൾ വരുത്തി IRCC. പ്രത്യേക തൊഴിൽ മേഖലകളിൽ പ്രാവീണ്യമുള്ളവർക്ക് കുറഞ്ഞ സ്കോറിൽ തന്നെ ‘ഇൻവിറ്റേഷൻ ടു അപ്ലൈ’ (ITA) ലഭിക്കാൻ സാധ്യതയേറുന്ന രീതിയിലാണ് പുതിയ ക്രമീകരണങ്ങൾ. സാമ്പത്തികവും സാമൂഹികവുമായ ലക്ഷ്യങ്ങൾ മുൻനിർത്തി കുടിയേറ്റ മന്ത്രി നിശ്ചയിക്കുന്ന ‘Category-based selection’ വഴിയാണ് ഈ ആനുകൂല്യം ലഭിക്കുക.
തൊഴിൽ അധിഷ്ഠിത തിരഞ്ഞെടുപ്പ് (Category-based selection)
രാജ്യത്തെ തൊഴിൽ ക്ഷാമം പരിഹരിക്കുന്നതിനായി കാനഡ കുടിയേറ്റ മന്ത്രാലയം നടപ്പിലാക്കുന്ന ‘കാറ്റഗറി ബേസ്ഡ് ഡ്രോ’കളാണ് ഉദ്യോഗാർത്ഥികൾക്ക് തുണയാകുന്നത്. നിശ്ചിത തൊഴിൽ മേഖലകളിൽ കഴിഞ്ഞ മൂന്ന് വർഷത്തിനിടെ കുറഞ്ഞത് ആറുമാസമെങ്കിലും പ്രവൃത്തിപരിചയമുള്ളവർക്കാണ് ഇതിൽ മുൻഗണന. ഹെൽത്ത്കെയർ, സ്റ്റെം (STEM), ട്രേഡ്സ്, അഗ്രികൾച്ചർ, വിദ്യാഭ്യാസം എന്നീ അഞ്ച് മേഖലകളെയാണ് പ്രധാനമായും ഇതിനായി തിരഞ്ഞടുത്തിരിക്കുന്നത്. ഇതിനുപുറമെ ഫ്രഞ്ച് ഭാഷാ പ്രാവീണ്യമുള്ളവർക്കും പ്രത്യേക പരിഗണന ലഭിക്കും.
മുൻഗണനാ പട്ടികയും പുതിയ മാറ്റങ്ങളും
2025-ലെ പുതുക്കിയ പട്ടിക പ്രകാരം വിദ്യാഭ്യാസ മേഖലയെ (Education) മുൻഗണനാ വിഭാഗത്തിൽ പുതുതായി ഉൾപ്പെടുത്തിയിട്ടുണ്ട്. അധ്യാപകർ, സ്കൂൾ സപ്പോർട്ട് സ്റ്റാഫ് എന്നിവർക്ക് ഇതിലൂടെ എളുപ്പത്തിൽ പി.ആർ ലഭിക്കാൻ സാധ്യതയുണ്ട്. കാനഡയിൽ പ്രവൃത്തിപരിചയമുള്ള ഡോക്ടർമാർക്കായി പ്രത്യേക വിഭാഗവും രൂപീകരിച്ചു. ഈ വിഭാഗത്തിലേക്കുള്ള ഇൻവിറ്റേഷനുകൾ 2026 തുടക്കത്തോടെ ആരംഭിക്കുമെന്നാണ് റിപ്പോർട്ട്.
വിവിധ മേഖലകളിലെ നിലവിലെ സ്ഥിതി:
ഹെൽത്ത്കെയർ: ഡോക്ടർമാർ, നഴ്സുമാർ, ഫാർമസിസ്റ്റുകൾ എന്നിവർ ഉൾപ്പെടുന്ന ഈ വിഭാഗത്തിൽ 2025-ൽ മാത്രം ഏഴ് ഡ്രോകൾ നടന്നു. 462 മുതൽ 510 വരെയായിരുന്നു കട്ട് ഓഫ് സ്കോർ.
എഡ്യൂക്കേഷൻ: സെപ്റ്റംബറിൽ നടന്ന ഡ്രോയിൽ 462 ആയിരുന്നു കുറഞ്ഞ സ്കോർ.
ട്രേഡ്സ്: നിർമ്മാണം, മെക്കാനിക്കൽ തുടങ്ങിയ കൈത്തൊഴിൽ മേഖലകളിൽ 505 സ്കോറുള്ളവർക്ക് അവസരം ലഭിച്ചു.
സ്റ്റെം (STEM): എഞ്ചിനീയറിംഗ്, സൈബർ സെക്യൂരിറ്റി മേഖലകളിൽ കഴിഞ്ഞ വർഷം ഡ്രോകൾ കുറവായിരുന്നു.
അപേക്ഷകർ ശ്രദ്ധിക്കാൻ
നിങ്ങളുടെ ഔദ്യോഗിക പദവി (Job Title) എന്നതിലുപരി, നിങ്ങൾ ചെയ്യുന്ന ജോലിയുടെ സ്വഭാവമാണ് (Main Duties) എൻ.ഒ.സി (NOC) വിഭാഗം നിശ്ചയിക്കുന്നതെന്ന് വിദഗ്ധർ ചൂണ്ടിക്കാട്ടുന്നു. ഐ.ആർ.സി.സിയുടെ വെബ്സൈറ്റ് വഴി ഓരോരുത്തർക്കും തങ്ങളുടെ തൊഴിൽ ഏത് വിഭാഗത്തിൽ പെടുമെന്ന് പരിശോധിക്കാവുന്നതാണ്. റഫറൻസ് ലെറ്ററുകൾ തയ്യാറാക്കുമ്പോൾ അതിലെ ഉത്തരവാദിത്തങ്ങൾ എൻ.ഒ.സി നിർദ്ദേശങ്ങളുമായി പൊരുത്തപ്പെടുന്നുണ്ടെന്ന് ഉറപ്പാക്കണം. ലേബർ മാർക്കറ്റിലെ മാറ്റങ്ങൾക്കനുസരിച്ച് ഓരോ വർഷവും ഈ മുൻഗണനാ പട്ടികയിൽ മാറ്റങ്ങൾ വരാമെന്നും ഐ.ആർ.സി.സി അറിയിച്ചു.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Canada PR opportunities are changing; IRCC makes adjustments to immigration rules, changes to Express Entry
