ഒട്ടാവ: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ഭരണകൂടം കാനഡ ഉൾപ്പെടെ 60-ലധികം രാജ്യങ്ങളിൽ നിന്നുള്ള ചില ഇറക്കുമതി ഉൽപ്പന്നങ്ങൾക്ക് പുതിയ താരിഫ് പ്രഖ്യാപിച്ചു. വിതരണ ശൃംഖലകളിൽ (Supply Chain) നിർബന്ധിത തൊഴിൽ (Forced Labour) ഉപയോഗിക്കുന്നുണ്ടെന്ന ആരോപണമാണ് പുതിയ നടപടിക്ക് കാരണമായി അമേരിക്ക ചൂണ്ടിക്കാട്ടുന്നത്. കാനഡ, മെക്സിക്കോ, യുകെ എന്നിവയ്ക്ക് 10 ശതമാനവും മറ്റ് നിരവധി രാജ്യങ്ങൾക്ക് 12.5 ശതമാനവും താരിഫാണ് പ്രഖ്യാപിച്ചിരിക്കുന്നത്.
അമേരിക്കൻ വ്യാപാര പ്രതിനിധിയുടെ (U.S. Trade Representative) ഓഫീസാണ് പുതിയ താരിഫുകൾ പ്രഖ്യാപിച്ചത്. ട്രംപ് ഭരണകൂടം മുമ്പ് നടപ്പാക്കിയിരുന്ന “ലിബറേഷൻ ഡേ” താരിഫുകളും ഫെന്റനൈൽ വിഷയവുമായി ബന്ധപ്പെട്ട ചില താരിഫുകളും അമേരിക്കൻ സുപ്രീം കോടതി റദ്ദാക്കിയതിന് പിന്നാലെയാണ് പുതിയ നിയമവ്യവസ്ഥ ഉപയോഗിച്ച് നടപടി സ്വീകരിച്ചിരിക്കുന്നത്. തുടർന്ന്, 1974-ലെ Trade Act-ന്റെ Section 301 പ്രകാരം വ്യാപാര അന്വേഷണം ആരംഭിച്ച ഭരണകൂടം, അതിന്റെ അടിസ്ഥാനത്തിലാണ് ഇപ്പോഴത്തെ പുതിയ താരിഫ് പ്രഖ്യാപിച്ചത്.
എന്നാൽ, പ്രകാരം വ്യാപാരം നടത്തുന്ന ഉൽപ്പന്നങ്ങൾക്ക് ഈ പുതിയ 10 ശതമാനം താരിഫിൽ നിന്ന് ഇളവ് ലഭിക്കുമോയെന്ന കാര്യത്തിൽ അമേരിക്ക ഇതുവരെ വ്യക്തത നൽകിയിട്ടില്ല. കാനഡൻ കയറ്റുമതിക്കാർ ഏറ്റവും കൂടുതൽ ഉറ്റുനോക്കുന്നതും ഈ പ്രഖ്യാപനമാണ്. CUSMA വ്യവസ്ഥകൾ പാലിക്കുന്ന ഉൽപ്പന്നങ്ങൾക്കും പുതിയ നികുതി ബാധകമാകുമോ എന്നതും ഇപ്പോൾ വ്യക്തമല്ല.
അതേസമയം, നിർബന്ധിത തൊഴിൽ തടയുന്നതിനായി വിതരണ ശൃംഖലകളിൽ കർശന നിയമങ്ങൾ കാനഡ ഇതിനകം നടപ്പാക്കിയിട്ടുണ്ടെന്നും, അതിനാൽ പുതിയ താരിഫുകളിൽ നിന്ന് കാനഡയെ ഒഴിവാക്കണമെന്നും കനേഡിയൻ സർക്കാർ മുമ്പ് അമേരിക്കയോട് ആവശ്യപ്പെട്ടിരുന്നു. എന്നിരുന്നാലും, പുതിയ പ്രഖ്യാപനത്തിൽ കാനഡയെയും 10 ശതമാനം താരിഫ് പട്ടികയിൽ ഉൾപ്പെടുത്തിയിരിക്കുന്നത് ശ്രദ്ധേയമാണ്.
CUSMA ഉൽപ്പന്നങ്ങൾക്ക് ഇളവ് ലഭിക്കാത്ത പക്ഷം, അമേരിക്കയിലേക്കുള്ള കാനഡയുടെ കയറ്റുമതിക്ക് അധിക ചെലവ് ഉണ്ടാകുകയും നിർമ്മാതാക്കളെയും കയറ്റുമതിക്കാരെയും ഇത് പ്രതികൂലമായി ബാധിക്കാനും സാധ്യതയുണ്ട്. അതേസമയം, ഇളവുകൾ സംബന്ധിച്ച അമേരിക്കയുടെ അന്തിമ വിശദീകരണത്തിനായാണ് വ്യാപാര മേഖലയാകെ ഇപ്പോൾ കാത്തിരിക്കുന്നത്.
Canada hit by US tariffs again; trade concerns arise.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
