കാനഡയുടെ എക്സ്പ്രസ് എൻട്രി സിസ്റ്റം രാജ്യത്ത് ഇതിനകം ജോലി ചെയ്യുന്ന skilled workersന് മുൻഗണന നൽകുന്നു. കനേഡിയൻ എക്സ്പീരിയൻസ് ക്ലാസ് (CEC), സ്ഥിര താമസത്തിനായി ശ്രമിക്കുന്നവർക്കുള്ള ഒരു പ്രധാന വിഭാഗമാണ്. 2025-ൽ, കാനഡയിലെ താമസാനുമതിയോടെയുള്ള അവസാന മൂന്ന് വർഷത്തെ തൊഴിൽ പരിചയം കർശനമായി വിലയിരുത്തുമെന്ന് IRCC വീണ്ടും വ്യക്തമാക്കി.
യോഗ്യത നേടുന്നതിന്, അപേക്ഷകർ നാഷണൽ ഒക്യുപേഷണൽ ക്ലാസിഫിക്കേഷൻ (NOC) TEER 0, 1, 2, അല്ലെങ്കിൽ 3 വിഭാഗങ്ങളിൽ കാനഡയിൽ കുറഞ്ഞത് ഒരു വർഷം മുഴുവൻ സമയമോ തത്തുല്യമായ പാർട്ട് ടൈം skilled worker പരിചയമോ പൂർത്തിയാക്കിയിരിക്കണം. IRCC ഉദ്യോഗസ്ഥർ ജോലി ചെയ്ത മണിക്കൂറുകൾ മാത്രമല്ല, NOC വിവരണത്തിൽ പറയുന്ന പ്രധാന ഉത്തരവാദിത്തങ്ങളും വിലയിരുത്തും. ഒരു വിദ്യാർത്ഥിയായിരിക്കുമ്പോൾ നേടിയ തൊഴിൽ പരിചയവും, സ്വയം തൊഴിൽ ചെയ്യുന്നവരുടെ തൊഴിൽ പരിചയവും ഇതിൽ പരിഗണിക്കില്ല.
T4 ടാക്സ് സ്ലിപ്പുകൾ, തൊഴിൽ ദാതാക്കളുടെ റെഫറൻസ് കത്തുകൾ, വർക്ക് പെർമിറ്റുകൾ, പേ സ്റ്റബ്ബുകൾ തുടങ്ങിയ രേഖകൾ ഉപയോഗിച്ച് തൊഴിൽ ദാതാവും ജീവനക്കാരനും തമ്മിലുള്ള ബന്ധം വ്യക്തമാക്കണം എന്ന് IRCC ഊന്നിപ്പറയുന്നു. ഉദ്യോഗസ്ഥർക്ക് സാധുവായ പെർമിറ്റോ സ്റ്റാറ്റസോ ഉള്ള സമയത്ത് ജോലിക്ക് അനുമതി ലഭിച്ചിട്ടുണ്ടോയെന്നും പരിശോധിക്കും. മതിയായ രേഖകൾ ഇല്ലാത്തതും, NOCയുടെ മാനദണ്ഡങ്ങൾ പാലിക്കാത്തതും അപേക്ഷ നിരസിക്കാൻ കാരണമാകും.
കാനഡ പ്രതിവർഷം 400,000-ൽ അധികം സ്ഥിര താമസക്കാരെ സ്വീകരിക്കാൻ ലക്ഷ്യമിടുന്നു. CEC പ്രോഗ്രാം യോഗ്യരായ തൊഴിലാളികൾക്ക് വേഗത്തിൽ അപേക്ഷിക്കാനുള്ള അവസരം നൽകുന്നു, ഏകദേശം ആറ് മാസത്തിനുള്ളിൽ അപേക്ഷകൾ പരിഗണിക്കാവുന്നതാണ്. കാനഡയിൽ ദീർഘകാലം താമസിക്കാൻ ആഗ്രഹിക്കുന്ന താൽക്കാലിക താമസക്കാർ ഈ ആവശ്യകതകൾ മനസ്സിലാക്കുകയും സാധാരണയായി സംഭവിക്കുന്ന തെറ്റുകൾ ഒഴിവാക്കുകയും ചെയ്താൽ അവരുടെ കനേഡിയൻ സ്വപ്നം യാഥാർത്ഥ്യമാക്കാൻ സാധിക്കും.
