കാനഡ-ആൽബർട്ട പൈപ്പ്ലൈൻ കരാർ: ലിബറൽ സർക്കാരിനെ സമ്മർദ്ദത്തിലാക്കി കൺസർവേറ്റീവുകൾ വോട്ടെടുപ്പിന്

ഒട്ടാവ: ലിബറൽ സർക്കാർ ആൽബർട്ടയുമായി ഒപ്പുവെച്ച പൈപ്പ്ലൈൻ കരാർ അടുത്ത ആഴ്ച ഹൗസ് ഓഫ് കോമൺസിൽ പ്രതിപക്ഷമായ കൺസർവേറ്റീവ് പാർട്ടിയുടെ പ്രമേയത്തിലൂടെ ചർച്ചയാകും. കഴിഞ്ഞ മാസം പ്രധാനമന്ത്രി മാർക്ക് കാർണിയുടെ നേതൃത്വത്തിലുള്ള ഒട്ടാവയും ആൽബർട്ടയും തമ്മിൽ ഒപ്പുവെച്ച ഈ ധാരണാപത്രം (MOU) ഇരുസർക്കാരുകളും സ്വാഗതം ചെയ്ത ഒന്നായിരുന്നു. എന്നാൽ പ്രധാനമന്ത്രി മാർക്ക് കാർണിയുടെ പൈപ്പ്ലൈൻ വാഗ്ദാനം പരീക്ഷിക്കാനാണ് കൺസർവേറ്റീവുകൾ ലക്ഷ്യമിടുന്നത്. ലിബറലുകൾ തങ്ങൾ ഒപ്പിട്ട ധാരണാപത്രത്തിലെ വാക്കുകൾക്ക് പിന്നിൽ അണിനിരക്കണം എന്ന് കൺസർവേറ്റീവ് നേതാവ് പിയറി പൊയിലീവ്രെ ആവശ്യപ്പെട്ടു.

കൺസർവേറ്റീവുകൾ ചൊവ്വാഴ്ച ഹൗസ് ഓഫ് കോമൺസിൽ അവതരിപ്പിക്കാൻ പോകുന്ന പ്രമേയത്തിൽ, ഒട്ടാവയും ആൽബർട്ടയും തമ്മിലുള്ള കരാറിലെ അതേ വാക്കുകൾ തന്നെ ഉപയോഗിച്ചാണ് വോട്ടെടുപ്പിന് കളമൊരുക്കുന്നത്.

താങ്കൾ കരാറിനെ പിന്തുണയ്ക്കുന്നുണ്ടോ എന്ന ചോദ്യത്തിന്, കൺസർവേറ്റീവുകൾ പൈപ്പ്ലൈനിനെ പിന്തുണയ്ക്കുന്നുണ്ടെന്ന മറുപടി മാത്രമാണ് പൊയിലീവ്രെ നൽകിയത്. “മാർക്ക് കാർണി ഇരുവശത്തും സംസാരിക്കുന്നത് നിർത്തണം. ആൽബെർട്ടയിൽ ഒരുകാര്യം പറയുകയും ബ്രിട്ടീഷ് കൊളംബിയയിൽ നേർവിപരീതം പറയുകയും ചെയ്യുന്നത് നിർത്തണം. പസഫിക്കിലേക്ക് ഒരു പൈപ്പ്ലൈൻ അംഗീകരിക്കുന്നതിന് അനുകൂലമായി വോട്ട് ചെയ്യാൻ അദ്ദേഹം ലിബറൽ എംപിമാരെ പ്രേരിപ്പിക്കണം,” എന്നും പൊയിലീവ്രെ പറഞ്ഞു.

അടുത്ത ആഴ്ചയിലെ ഈ വോട്ടെടുപ്പ്, കാർണി സർക്കാരിന് നേരത്തെ തന്നെ കനത്ത രാഷ്ട്രീയ തിരിച്ചടി നേരിടേണ്ടിവന്ന സാഹചര്യത്തിലാണ് വരുന്നത്. ഈ കരാറിൽ പ്രതിഷേധിച്ചുകൊണ്ട് സ്റ്റീവൻ ഗിൽബോ മന്ത്രിസഭയിൽ നിന്ന് രാജിവെക്കുകയും, ഈ ആഴ്ച രണ്ട് പ്രധാന കാലാവസ്ഥാ ഉപദേഷ്ടാക്കൾ അവരുടെ സ്ഥാനങ്ങളിൽ നിന്ന് പിന്മാറുകയും ചെയ്തിരുന്നു. “ഈ ധാരണാപത്രമാണ് അവസാനത്തെ കച്ചിത്തുരുമ്പ്. കാനഡയിലെ കാലാവസ്ഥാ നയം നിർത്തിവെക്കുകയോ വൈകിപ്പിക്കുകയോ ചെയ്യുന്നതിന്റെ ആദ്യ സൂചനയായിരുന്നില്ല ഇത്,” അന്താരാഷ്ട്ര കാലാവസ്ഥാ രാഷ്ട്രീയ ഹബ്ബിലെ കാതറിൻ അബ്രോ പറഞ്ഞു.

ചൊവ്വാഴ്ചത്തെ വോട്ടെടുപ്പ് ഔദ്യോഗികമായി കൺസർവേറ്റീവ് പ്രമേയത്തിലാണെങ്കിലും, അത് ലിബറൽ സർക്കാരിന്റെ ആൽബർട്ടയുമായുള്ള പൈപ്പ്ലൈൻ കരാറിനുള്ള പിന്തുണയുടെ പരോക്ഷമായ ഒരു പരീക്ഷണമായി മാറും. വോട്ട് വിപ്പ് ചെയ്യുന്നതിൽ ലിബറലുകൾ പരാജയപ്പെട്ടാൽ, അത് പാർട്ടിയ്ക്ക് മറ്റൊരു രാഷ്ട്രീയ തിരിച്ചടിയായേക്കും.

കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/Ghtm5bIjsVN8SItyDlaj3Q?mode=wwt

Canada-Alberta pipeline deal: Conservatives pressure Liberal government to vote