ഒന്റാരിയോ; അൽബെർട്ടയെ കാനഡയിൽ തന്നെ നിലനിർത്താൻ പ്രചാരണം നടത്തുന്ന ‘ഫോറെവർ കാനഡ’ സംഘടന ഔദ്യോഗികമായി മൂന്നാം കക്ഷി പരസ്യദാതാവായി രജിസ്റ്റർ ചെയ്തു. റഫറണ്ടത്തിലെ പത്താമത്തെ ചോദ്യത്തിന് ‘ഓപ്ഷൻ എ’ എന്ന് വോട്ട് ചെയ്യാൻ വോട്ടർമാരോട് നേരിട്ട് ആവശ്യപ്പെടാൻ തുടങ്ങിയതോടെയാണ് ഇലക്ഷൻസ് അൽബെർട്ടയിൽ ഇവർ രജിസ്ട്രേഷൻ എടുത്തത്. കാനഡയിൽ തന്നെ തുടരണമെന്ന് ആഗ്രഹിക്കുന്നവർക്ക് വോട്ടിംഗിലെ ആശയക്കുഴപ്പം മാറ്റിക്കൊടുക്കാനാണ് ഈ ഘട്ടത്തിൽ നേരിട്ടുള്ള പ്രചാരണത്തിലേക്ക് കടന്നതെന്ന് സംഘടനയുടെ സ്ഥാപകൻ തോമസ് ലൂകാസാക് വ്യക്തമാക്കി.
നേരത്തെ കനേഡിയൻ ഐക്യത്തെക്കുറിച്ച് പൊതുവായി മാത്രം സംസാരിച്ചിരുന്നതിനാൽ സാമ്പത്തിക വിവരങ്ങൾ സമർപ്പിക്കുന്നതിൽ നിന്ന് ഇലക്ഷൻസ് അൽബെർട്ട ഇവരെ ഒഴിവാക്കിയിരുന്നു. എന്നാൽ, ഇത് വിവേചനമാണെന്നും തങ്ങളുടെ വേർപിരിയൽ പ്രചാരണങ്ങൾക്ക് മേൽ കർശന നിയന്ത്രണം ഏർപ്പെടുത്തുമ്പോൾ പ്രൊ-കനേഡിയൻ ഗ്രൂപ്പുകൾക്ക് ഇളവ് നൽകുന്നത് ഇരട്ടത്താപ്പാണെന്നും അൽബെർട്ട പ്രോസ്പരിറ്റി പ്രൊജക്റ്റ് ആരോപിച്ചു. ഈ ഇളവ് റഫറണ്ടത്തിന്റെ സുതാര്യതയെപ്പോലും ചോദ്യം ചെയ്യുന്നതാണെന്ന് രാഷ്ട്രീയ നിരീക്ഷകരും ചൂണ്ടിക്കാട്ടിയിരുന്നു.
റഫറണ്ടത്തിലെ ചോദ്യങ്ങൾ വളരെ സങ്കീർണ്ണമായതുകൊണ്ടാണ് എങ്ങനെ വോട്ട് ചെയ്യണമെന്ന് ജനങ്ങൾക്ക് വ്യക്തത നൽകാൻ സംഘടന നേരിട്ടിറങ്ങിയത്. ഇതോടൊപ്പം പുതിയ രജിസ്ട്രേഷൻ വന്നതോടെ സംഘടനയുടെ വരവുചെലവ് കണക്കുകൾ ഇനി ഇലക്ഷൻസ് അൽബെർട്ടയ്ക്ക് മുന്നിൽ കൃത്യമായി സമർപ്പിക്കുമെന്നും തോമസ് ലൂകാസാക് അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
