ഒട്ടാവ: അതിക്രമങ്ങൾ തടയുന്നതിനും കുട്ടികളുടെ സുരക്ഷ ഉറപ്പാക്കുന്നതിനും ലക്ഷ്യമിട്ട് കനേഡിയൻ ഫെഡറൽ സർക്കാർ നിർണ്ണായക നിയമനിർമ്മാണം നടത്തുന്നു. ഈ വിഷയങ്ങളുമായി ബന്ധപ്പെട്ട് പുതിയ ബിൽ പാർലമെന്റിൽ അവതരിപ്പിക്കുമെന്ന് നീതിന്യായ വകുപ്പ് മന്ത്രി സീൻ ഫ്രേസർ അറിയിച്ചു. ഇരകളെ സംരക്ഷിക്കുന്നതിനും കുട്ടികളെ ലൈംഗിക അതിക്രമങ്ങളിൽ നിന്ന് രക്ഷിക്കുന്നതിനുമുള്ള ക്രിമിനൽ കോഡിൽ വരുത്തുന്ന മാറ്റങ്ങൾ ആണ് ഈ ബിൽ ലക്ഷ്യമിടുന്നത്. ഭരണകക്ഷി നേരത്തെ തിരഞ്ഞെടുപ്പ് വാഗ്ദാനമായി നൽകിയ ഉറപ്പുകൾ ഈ ബില്ലിൽ ഉൾപ്പെടുത്തും. സ്ത്രീകളെ ലക്ഷ്യമിട്ടുള്ള കൊലപാതകങ്ങൾ (ഫെമിസൈഡ്) ഉൾപ്പെടെയുള്ള വിദ്വേഷ ലക്ഷ്യങ്ങളോടെയുള്ള കൊലപാതകങ്ങൾ ഫസ്റ്റ്-ഡിഗ്രി കുറ്റകൃത്യമായി കണക്കാക്കും. കൂടാതെ, സമ്മതമില്ലാതെ സ്വകാര്യ ചിത്രങ്ങൾ പ്രചരിപ്പിച്ചാലുള്ള പിഴ വർദ്ധിപ്പിക്കുകയും, സമ്മതമില്ലാത്ത ലൈംഗിക ഡീപ്ഫേക്കുകൾ (Deepfakes) വിതരണം ചെയ്യുന്നത് ക്രിമിനൽ കുറ്റമാക്കുകയും ചെയ്യും. ഓൺലൈൻ ചൂഷണങ്ങളിൽ നിന്നും ലൈംഗിക ഭീഷണിപ്പെടുത്തലുകളിൽ നിന്നും കുട്ടികളെ സംരക്ഷിക്കുന്നതിനുള്ള ശക്തമായ നടപടികളും ബില്ലിൽ ഉൾക്കൊള്ളിച്ചിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Federal government to table bill to protect children, address gender-based violence
