സാവുൾട്ട് സ്റ്റീ. മാരീയിൽ രണ്ട് സ്ത്രീകൾക്ക് കരടിയുടെ ആക്രമണത്തിൽ ഗുരുതരമായി പരിക്കേറ്റു. കഴിഞ്ഞ ദിവസം വൈകുന്നേരം 5 മണിയോടെ പീപ്പിൾസ് റോഡിന്റെ വടക്ക് ഭാഗത്തുള്ള ഒരു ഗ്രാമീണ പാതയിലാണ് സംഭവം നടന്നത്. രണ്ട് സ്ത്രീകൾ തങ്ങളുടെ വളർത്തുനായ്ക്കളുമായി നടക്കാൻ പോയതായിരുന്നു. ഈ സമയത്ത് രണ്ട് കുഞ്ഞുങ്ങളുള്ള ഒരു അമ്മക്കരടി ഇവരെ ആക്രമിക്കുകയായിരുന്നു.
ആക്രമണത്തിനുശേഷം കരടി ആ പ്രദേശത്തുനിന്ന് പോയതായി പോലീസ് പറഞ്ഞു. പിന്നീട് പോലീസും വനംവകുപ്പ് ഉദ്യോഗസ്ഥരും സ്ഥലത്തെത്തിയെങ്കിലും കരടിയെ കണ്ടെത്താനായില്ല. പരിക്കേറ്റ സ്ത്രീകളെ ഉടൻതന്നെ ആശുപത്രിയിലെത്തിച്ചു.
ഇങ്ങനെയുള്ള സാഹചര്യങ്ങളിൽ പൊതുജനങ്ങൾ ജാഗ്രത പാലിക്കണമെന്ന് പോലീസ് മുന്നറിയിപ്പ് നൽകി. വനംവകുപ്പ് അധികൃതർ നൽകുന്ന നിർദ്ദേശങ്ങൾ പാലിക്കണമെന്നും പോലീസ് അറിയിച്ചു.
നടക്കാൻ പോകുമ്പോൾ നായകളെ കൂട്ടുകയാണെങ്കിൽ അവയെ leash ഉപയോഗിച്ച് മാത്രം കൊണ്ടുപോവുക, നടക്കുമ്പോൾ ശബ്ദമുണ്ടാക്കി കരടിയെപ്പോലെയുള്ള മൃഗങ്ങളെ നമ്മുടെ സാന്നിധ്യം അറിയിക്കുക, ഇത് വഴി മൃഗങ്ങൾക്ക് നമ്മളെ ഒഴിവാക്കാൻ കഴിയും. വനംവകുപ്പിന്റെ ബെയർ വൈസ് (Bear Wise) വെബ്സൈറ്റ് സന്ദർശിക്കാനും, 1-866-514-2327 എന്ന ടോൾ ഫ്രീ നമ്പറിൽ ബന്ധപ്പെടാനും അധികൃതർ ആവശ്യപ്പെട്ടു. മാർച്ച് 17 മുതൽ നവംബർ 30 വരെ ഈ നമ്പറിൽ ലൈവ് ഓപ്പറേറ്ററുടെ സേവനം ലഭ്യമാണ്.
Bear attacks hikers; two women seriously injured in Sault Ste. Marie
