ഒന്റാറിയോ : വടക്കൻ ഒന്റാറിയോ ഉൾപ്പെടെയുള്ള പ്രദേശങ്ങളിൽ പടർന്നുപിടിക്കുന്ന കാട്ടുതീയെത്തുടർന്ന് വായു മലിനീകരണവും പുകയും യുഎസിലെ ന്യൂയോർക്ക് നഗരം വരെയുള്ള പ്രദേശങ്ങളിലേക്ക് വ്യാപിച്ചു. സംഭവത്തിൽ കാനഡയിൽ നിന്നുള്ള പുക വായു മലിനമാക്കുന്നുവെന്ന് ആരോപിച്ച് മുൻ യുഎസ് പ്രസിഡന്റ് ഡൊണാൾഡ് ട്രംപ് ഉൾപ്പെടെയുള്ള രാഷ്ട്രീയ നേതാക്കൾ രംഗത്തെത്തി. ആളപായ ഭീഷണിയുള്ള സ്ഥലങ്ങളിലാണ് മുൻഗണനാടിസ്ഥാനത്തിൽ തീ അണയ്ക്കാൻ ശ്രമിക്കുന്നതെന്നും ഉൾക്കാടുകളിലെ തീ പൂർണമായി അണയ്ക്കുന്നത് പ്രായോഗികമല്ലെന്നും വിദഗ്ധർ വ്യക്തമാക്കി.
അതീവ താപനിലയിൽ പടരുന്ന കാട്ടുതീയിലെ പുക അന്തരീക്ഷത്തിന്റെ ഉയർന്ന തട്ടുകളിലേക്ക് ഉയരുന്നതാണ് ആയിരക്കണക്കിന് കിലോമീറ്ററുകൾ ദൂരേക്ക് ഇത് സഞ്ചരിക്കാൻ കാരണമെന്ന് കാനഡ വൈൽഡ്ഫയർ നെറ്റ്വർക്കിലെ ഗവേഷണ മാനേജർ ബ്രയാൻ വീൻസ് അറിയിച്ചു.
വായുവിലെ സൂക്ഷ്മകണികകൾ നീല വെളിച്ചത്തെ ചിതറിക്കുന്നതാണ് ആകാശത്തിന് ഓറഞ്ച് അല്ലെങ്കിൽ ചുവപ്പ് നിറം നൽകുന്നതെന്ന് ടൊറന്റോ സർവകലാശാലയിലെ അറ്റ്മോസ്ഫെറിക് ഫിസിക്സ് പ്രൊഫസർ കെന്റ് മൂർ വിശദീകരിച്ചു. ആഗോളതാപനവും കാലാവസ്ഥാ വ്യതിയാനവുമാണ് ഇത്തരം തീവ്രമായ കാട്ടുതീകൾക്ക് പ്രധാന കാരണമെന്ന് വിദഗ്ധർ വിലയിരുത്തി.
വടക്കൻ കാനഡയിൽ ആഗോള ശരാശരിയേക്കാൾ വേഗത്തിൽ താപനില ഉയരുന്നത് വരൾച്ചയ്ക്കും വൻതോതിലുള്ള കാട്ടുതീ പടരുന്നതിനും കാരണമാകുന്നുണ്ടെന്ന് ബ്രിട്ടീഷ് കൊളംബിയ സർവകലാശാലയിലെ അസിസ്റ്റന്റ് പ്രൊഫസർ ജെൻ ബാരൻ വ്യക്തമാക്കി.
Wildfires in Canada cross border: US cities shrouded in smoke, report says
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
