മോൺട്രിയൽ: റോഡ് അറ്റകുറ്റപ്പണികളും നിർമ്മാണ പ്രവർത്തനങ്ങളും കാരണം മോൺട്രിയലിലും പരിസര പ്രദേശങ്ങളിലും വരുന്ന ദിവസങ്ങളിൽ വലിയ തോതിലുള്ള ഗതാഗത നിയന്ത്രണങ്ങൾ ഏർപ്പെടുത്തി. പ്രധാന പാതകളിലെ നിർമ്മാണ ജോലികൾ കാരണം വാരാന്ത്യങ്ങളിലും വരും ആഴ്ചകളിലും യാത്രാ തടസ്സങ്ങൾ ഉണ്ടാകാൻ സാധ്യതയുള്ളതിനാലാണ് അധികൃതർ റോഡുകൾ ഭാഗികമായി അടച്ചിടുന്നത്. ആളുകൾ അനാവശ്യ യാത്രകൾ ഒഴിവാക്കണമെന്നും, യാത്രകൾ മുൻകൂട്ടി പ്ലാൻ ചെയ്യണമെന്നും സുഗമമായ ഗതാഗതത്തിനായി പോലീസും പ്രാദേശിക ഭരണകൂടവും നിർദ്ദേശം നൽകിയിട്ടുണ്ട്.
ശനിയാഴ്ച പുലർച്ചെ 3 മണി മുതൽ തിങ്കളാഴ്ച രാവിലെ 5 മണി വരെ ഓണറെ-മെർസിയർ പാലത്തിലേക്കുള്ള പ്രവേശന പാതകൾ അടച്ചിടും. കൂടാതെ, വിക്റ്റോറിയ പാലത്തിൽ ജൂലൈ 27 തിങ്കളാഴ്ച മുതൽ സെപ്റ്റംബർ 10 വരെ ഒരൊറ്റ വരിയിലൂടെ മാത്രമായിരിക്കും ഗതാഗതം അനുവദിക്കുക. ഹൈവേ 30, ഹൈവേ 40, ഹൈവേ 13 എന്നിവടങ്ങളിലും നിർമ്മാണ പ്രവൃത്തികൾ തുടരുന്നതിനാൽ ഗതാഗതം വഴിതിരിച്ചുവിടും. അന്താരാഷ്ട്ര ഫയർവർക്സിനോടനുബന്ധിച്ച് ജൂലൈ 26 ഞായറാഴ്ച രാത്രി ജാക്വസ്-കാർട്ടിയർ പാലവും അടച്ചിടുന്നതാണ്.
യാത്രക്കാരുടെ ബുദ്ധിമുട്ട് കുറയ്ക്കുന്നതിനായി ബസുകൾക്ക് പ്രത്യേക വരികൾ സജ്ജീകരിച്ചിട്ടുണ്ട്. തിരക്കുള്ള സമയങ്ങളിൽ വലിയ ട്രക്കുകൾക്ക് നിരോധനം ഏർപ്പെടുത്തിയിട്ടുണ്ട്. മോൺട്രിയാലിലെ ആർ.ഇ.എം (REM) ട്രെയിൻ സർവീസുകൾ ശനി, ഞായർ ദിവസങ്ങളിൽ രാവിലെ 7:30-ഓടെ ആരംഭിക്കും. പ്രതികൂല കാലാവസ്ഥയുണ്ടായാൽ റോഡ് പണികൾ നീട്ടിവെക്കാൻ സാധ്യതയുണ്ടെന്നും, തത്സമയ ഗതാഗത വിവരങ്ങൾ അറിയാൻ ‘Quebec511.info’ എന്ന വെബ്സൈറ്റ് ഉപയോഗിക്കണമെന്നും അധികൃതർ അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Attention travelers! Major traffic restrictions on Montreal's main roads; here are the routes being closed.
