എഡ്മന്റൺ: ആൽബർട്ട പ്രവിശ്യയിൽ സ്ഥിരതാമസമാക്കാൻ ആഗ്രഹിക്കുന്നവർക്ക് സുവർണ്ണാവസരം. ആൽബർട്ട അഡ്വാന്റേജ് ഇമിഗ്രേഷൻ പ്രോഗ്രാമിന് (AAIP) കീഴിൽ മാർച്ചിൽ നടന്ന അഞ്ച് പ്രധാന നറുക്കെടുപ്പുകളിലായി 290-ലധികം ഉദ്യോഗാർത്ഥികൾക്ക് അപേക്ഷിക്കാൻ ക്ഷണം (ITA) ലഭിച്ചു. ഹെൽത്ത്കെയർ, കൺസ്ട്രക്ഷൻ, മാനുഫാക്ചറിംഗ് എന്നീ മേഖലകളിൽ ഉള്ളവർക്കാണ് ഈ നറുക്കെടുപ്പുകളിൽ മുൻഗണന ലഭിച്ചത്. മാർച്ച് 17 മുതൽ മാർച്ച് 27 വരെയാണ് നറുക്കെടപ്പുകൾ നടന്നത്.
| Draw date | Stream/pathway | Minimum score | Invitations issued |
|---|---|---|---|
| March 27, 2026 | Alberta Express Entry Stream – Law Enforcement Pathway | 46 | Less than 10 |
| March 26, 2026 | Rural Renewal Stream | 50 | 60 |
| March 24, 2026 | Dedicated Health Care Pathway – non-Express Entry | 54 | 102 |
| March 19, 2026 | Alberta Express Entry Stream – Priority Sectors (Construction) | 59 | 109 |
| March 17, 2026 | Alberta Express Entry Stream – Priority Sectors (Manufacturing) | 50 | 27 |
2026-ൽ ആകെ 6,403 പേർക്ക് നോമിനേഷൻ നൽകാനാണ് ഇമിഗ്രേഷൻ വകുപ്പ് (IRCC) ആൽബർട്ടയ്ക്ക് അനുമതി നൽകിയിരിക്കുന്നത്. ഇതിൽ ഏപ്രിൽ 1 വരെയുള്ള കണക്കുകൾ പ്രകാരം 1,475 നോമിനേഷനുകൾ ഇതിനകം നൽകിക്കഴിഞ്ഞു. ഇനിയും 4,928 ഒഴിവുകൾ ബാക്കിയുണ്ട് എന്നത് അപേക്ഷിക്കാൻ തയ്യാറെടുക്കുന്നവർക്ക് വലിയ പ്രതീക്ഷയാണ് നൽകുന്നത്. നിലവിൽ ആൽബർട്ട ഓപ്പർച്യൂണിറ്റി സ്ട്രീം (Alberta Opportunity Stream) വഴിയാണ് ഏറ്റവും കൂടുതൽ പേർക്ക് (911 പേർ) നോമിനേഷൻ ലഭിച്ചിരിക്കുന്നത്.
ഹെൽത്ത്കെയർ, ടെക്നോളജി, നിർമ്മാണ മേഖല, കൃഷി, ഏവിയേഷൻ എന്നീ മേഖലകളിൽ പ്രവൃത്തിപരിചയമുള്ളവർക്കും ആൽബർട്ടയിലെ ഗ്രാമീണ മേഖലകളിൽ തൊഴിൽ വാഗ്ദാനമുള്ളവർക്കുമാണ് ഈ വർഷം ഏറ്റവും കൂടുതൽ മുൻഗണന ലഭിക്കുന്നത്. നിലവിൽ 44,000-ത്തിലധികം അപേക്ഷകൾ പൂളിൽ ഉണ്ടെങ്കിലും, ഓരോ മേഖലയ്ക്കും പ്രത്യേകമായുള്ള പാത്ത്വേകൾ വഴി വേഗത്തിൽ പിആർ (PR) ലഭിക്കാനുള്ള സാധ്യതയുണ്ട്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Alberta invites healthcare, construction and manufacturing candidates in latest draws
