ലേത്ബ്രിഡ്ജ്: ആർട്ടിഫിഷ്യൽ ഇന്റലിജൻസ് (എഐ) ഉപയോഗിച്ച് സ്വന്തം ടീമിലെ പെൺകുട്ടികളുടെ വ്യാജ അശ്ലീല ചിത്രങ്ങൾ ഉണ്ടാക്കിയ മുൻ ഫുട്ബോൾ പരിശീലകന്റെ കേസിൽ കോടതി വാദം പൂർത്തിയായി. ലേത്ബ്രിഡ്ജ് റാംസ് ജൂനിയർ ഫുട്ബോൾ ടീമിന്റെ മുൻ പരിശീലകനായ ജസ്റ്റിൻ ടില്ലറിനെതിരെയാണ് (38) കുട്ടികളുടെ അശ്ലീല ചിത്രങ്ങൾ നിർമ്മിച്ച കുറ്റം തെളിഞ്ഞത്.
കുട്ടികളെ ലൈംഗികമായി ചൂഷണം ചെയ്തതിന് 2025 ജൂലൈയിലാണ് ഇയാളെ പൊലീസ് അറസ്റ്റ് ചെയ്തത്. ലേത്ബ്രിഡ്ജ് റാംസ് ടീമിലും ഫുട്ബോൾ ആൽബർട്ടയുടെ വനിതാ ടീമിലും പരിശീലകനായി പ്രവർത്തിക്കുന്നതിനിടയിലാണ് ഇയാൾ എഐ സാങ്കേതികവിദ്യ വഴി കളിക്കാരുടെ നഗ്നചിത്രങ്ങൾ നിർമ്മിച്ചത്.
താൻ കുറ്റക്കാരനാണെന്ന് പ്രതി കോടതിയിൽ സമ്മതിച്ചിട്ടുണ്ട്. കുട്ടികളുടെ അശ്ലീല ചിത്രങ്ങൾ നിർമ്മിച്ചതിനും കൈവശം വെച്ചതിനുമാണ് ഇയാൾക്കെതിരെ കേസെടുത്തിരിക്കുന്നത്. പ്രതിക്ക് രണ്ട് വർഷത്തെ തടവും 36 മാസത്തെ പ്രൊബേഷനും നൽകണമെന്നാണ് പ്രോസിക്യൂഷന്റെ ആവശ്യം. ദക്ഷിണ ആൽബർട്ട കോടതി ഉടൻ തന്നെ കേസിൽ അന്തിമ വിധി പറയും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
