ആൽബർട്ട അഡ്വാൻറേജ് ഇമിഗ്രേഷൻ പ്രോഗ്രാം (Alberta Advantage Immigration Program – AAIP) തങ്ങളുടെ ഏപ്രിലിലെ ഏറ്റവും പുതിയ നറുക്കെടുപ്പ് ഫലങ്ങൾ പുറത്തുവിട്ടു. 2026 ഏപ്രിൽ 15-ന് ലഭ്യമായ ഏറ്റവും പുതിയ കണക്കുകൾ പ്രകാരം, വിവിധ വിഭാഗങ്ങളിലായി നിരവധി ഉദ്യോഗാർത്ഥികൾക്കാണ് പ്രവിശ്യാ ഇൻവിറ്റേഷൻ നൽകിയത്.
2026 ഏപ്രിൽ രണ്ടാം വാരത്തിൽ നടന്ന വിവിധ നറുക്കെടുപ്പുകളിലായി മൊത്തം 332 പേർക്ക് ഇൻവിറ്റേഷൻ (ITA) ലഭിച്ചു. ഇതിൽ ഏപ്രിൽ 8-ന് നടന്ന ടെക് പാത്ത്വേ (Tech Pathway) വിഭാഗത്തിൽ 59 സ്കോർ നേടിയ 146 പേർക്കും, ഏപ്രിൽ 13-ന് ഹെൽത്ത് കെയർ (Health Care) വിഭാഗത്തിൽ 59 സ്കോർ നേടിയ 62 പേർക്കും, ഏപ്രിൽ 14-ന് കൺസ്ട്രക്ഷൻ (Construction) വിഭാഗത്തിൽ 60 സ്കോർ നേടിയ 50 പേർക്കും, ഏപ്രിൽ 9-ന് റൂറൽ റിന്യൂവൽ സ്ട്രീമിൽ (Rural Renewal Stream) 50 സ്കോർ നേടിയ 74 പേർക്കുമാണ് അവസരം ലഭിച്ചത്. ഈ വർഷത്തെ ആകെ ക്വോട്ടയായ 6,403-ൽ 1,634 നാമനിർദ്ദേശങ്ങൾ ഇതിനകം നൽകിക്കഴിഞ്ഞു.
ഹെൽത്ത് കെയർ, ടെക്നോളജി, കൺസ്ട്രക്ഷൻ, മാനുഫാക്ചറിംഗ് തുടങ്ങിയ മേഖലകളിൽ ജോലി ചെയ്യുന്നവർക്കാണ് ഈ വർഷം പ്രധാനമായും മുൻഗണന നൽകുന്നത്. കൂടാതെ ഡോക്ടർമാർക്കും ഫ്രഞ്ച് ഭാഷാ പ്രാവീണ്യമുള്ളവർക്കും (Francophones) 10,000 വരെ അധിക ഫെഡറൽ ക്വോട്ടയും ലഭ്യമാണ്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
AAIP Draw: Details of the draw from April 8 to 14, 2026 are known
