ആൽബർട്ട; ആൽബർട്ടയിൽ ഏഴാം ക്ലാസ് മുതൽ കുട്ടികൾക്ക് തൊഴിലധിഷ്ഠിത പരിശീലനം നൽകുന്ന പുതിയ ചാർട്ടർ സ്കൂൾ പ്രവർത്തനം തുടങ്ങി. ഗ്രാൻഡെ പ്രെയറി ടെക്നിക്കൽ ഇൻസ്റ്റിറ്റ്യൂട്ട് (GP Tech) എന്ന ഈ പൊതു വിദ്യാലയത്തിൽ പഠനത്തോടൊപ്പം നിർമ്മാണ ജോലികൾ, വാഹനങ്ങളുടെ അറ്റകുറ്റപ്പണി, പാചകകല എന്നിവയിലും പരിശീലനം ലഭിക്കും.
രാജ്യത്ത് തൊഴിലാളികളുടെ കുറവ് പരിഹരിക്കുക എന്നതാണ് സ്കൂളിന്റെ പ്രധാന ലക്ഷ്യം. 2033-ഓടെ കാനഡയ്ക്ക് 14 ലക്ഷത്തിലധികം പുതിയ തൊഴിലാളികളെ ആവശ്യമായി വരും. ഇത് മുൻകൂട്ടി കണ്ടാണ് സർക്കാർ പുതിയ പദ്ധതികൾ നടപ്പാക്കുന്നത്. വിദ്യാർത്ഥികൾ പഠന സമയത്തിന്റെ ഭൂരിഭാഗവും വർക്ക്ഷോപ്പുകളിലെ പ്രായോഗിക പരിശീലനത്തിനായി മാറ്റിവെക്കുന്നു.
ALSO READ: നയാഗ്ര ഫാൾസ് വിദ്യാർഥികൾക്ക് 1 മില്യൺ സ്കോളർഷിപ്പ്; സേ യെസും നയാഗ്ര സർവകലാശാലയും കൈകോർക്കുന്നു
കേവലം ക്ലാസ് മുറികളിൽ ഒതുങ്ങാതെ, വിദ്യാർത്ഥികൾക്ക് സ്വന്തം താൽ്പര്യം കണ്ടെത്താനും ഭാവിയിൽ മികച്ച തൊഴിൽ നേടാനും ഇത്തരം പരിശീലനങ്ങൾ സഹായിക്കുമെന്ന് സ്കൂൾ അധികൃതർ വ്യക്തമാക്കുന്നു. കൂടാതെ, ഭാവിയിൽ ആ പ്രദേശത്തുള്ളവർക്ക് സൗജന്യ വാഹന പരിശോധനയും വിദ്യാർത്ഥികൾ നടത്തുന്ന കഫേയും ഇവിടെ ആരംഭിക്കാൻ പദ്ധതിയുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
