ഓറഞ്ച്: ഓസ്‌ട്രേലിയയിൽ മകളെ സന്ദർശിക്കാനെത്തിയ പാലാ കൊല്ലപ്പള്ളി അന്തിനാട് സ്വദേശി ഓറഞ്ചിൽ വെച്ച് അന്തരിച്ചു. അന്തിനാട് ഓമ്പിള്ളിൽ വടക്കൻ വീട്ടിൽ ജോർജ് തോമസ് (69) ആണ് തിങ്കളാഴ്ച വൈകുന്നേരം മരണപ്പെട്ടത്. ന്യൂ സൗത്ത് വെയിൽസിലെ ഓറഞ്ചിലുള്ള മകളുടെ വീട്ടിൽ വെച്ച് പെട്ടെന്നുണ്ടായ ഹൃദയാഘാതമാണ് മരണകാരണം.
മകൾ ആൻ മരിയ ജോർജിനെയും കുടുംബത്തെയും സന്ദർശിക്കാനാണ് അദ്ദേഹം ഓസ്‌ട്രേലിയയിൽ എത്തിയത്. രണ്ടു മാസത്തെ സന്ദർശക വിസയിലാണ് അദ്ദേഹം മകളുടെ വീട്ടിലേക്ക് വന്നത്. പേരക്കുട്ടികളോടൊപ്പം സമയം ചെലവഴിച്ചു വരുന്നതിനിടെയാണ് അപ്രതീക്ഷിതമായി മരണം സംഭവിച്ചത്. വത്സമ്മ ജോർജ് ആണ് ഭാര്യ. ടോം തോമസാണ് മരുമകൻ.
Also Read: OAS പെൻഷൻ വർദ്ധിപ്പിച്ചു: അടുത്തയാഴ്ച പെയ്മെന്റ് അക്കൗണ്ടിലെത്തും
ജോർജ് തോമസിന്റെ പെട്ടെന്നുള്ള വിയോഗം കുടുംബാംഗങ്ങളെയും പ്രദേശത്തെ മലയാളി സമൂഹത്തെയും ദുഃഖത്തിലാഴ്ത്തി. സംസ്‌കാര ചടങ്ങുകൾ സംബന്ധിച്ച കൂടുതൽ വിവരങ്ങൾ പിന്നീട് അറിയിക്കുമെന്ന് കുടുംബാംഗങ്ങൾ വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
