നോവ സ്‌കോഷ്യ: ശരത്കാലത്തിന്റെ വര്‍ണാഭമായ കാഴ്ചകളുമായി കേപ് ബ്രിട്ടന്‍ വിനോദസഞ്ചാരികളെ വരവേല്‍ക്കാന്‍ ഒരുങ്ങുന്നു. ഈ വര്‍ഷം ശക്തമായ കാറ്റ് കാര്യമായി ഉണ്ടായിട്ടില്ലാത്തതിനാല്‍ ഇലകളുടെ നിറമാറ്റം മികച്ചതായിരിക്കുമെന്ന് ഡെസ്റ്റിനേഷന്‍ കേപ് ബ്രിട്ടന്‍ സിഇഒ ടെറി സ്മിത്ത് പറഞ്ഞു. ദ്വീപിന്റെ വിവിധ ഭാഗങ്ങളില്‍ ഇലകള്‍ നിറംമാറിത്തുടങ്ങിയിട്ടുണ്ട്. ഒക്ടോബര്‍ അവസാനത്തോടെ മനോഹരമായ ശരത്കാല കാഴ്ചകള്‍ ആസ്വദിക്കാനാകുമെന്നും സ്മിത്ത് പറഞ്ഞു.
ശരത്കാല സീസണിലെ പ്രധാന ആകര്‍ഷണമായ സെല്‍റ്റിക് കളേഴ്‌സ് ഇന്റര്‍നാഷണല്‍ ഫെസ്റ്റിവല്‍ ഒക്ടോബര്‍ 9 മുതല്‍ 17 വരെയാണ് നടക്കുന്നത്. ഈ വാരാന്ത്യത്തില്‍ കാബോട്ട് ട്രെയില്‍ റൈറ്റേഴ്‌സ് ഫെസ്റ്റിവല്‍, കാബോട്ട് ട്രെയില്‍ ഫുഡ് ട്രക്ക് റാലി എന്നിവയും നടക്കും. കാബോട്ട് ട്രെയിലിന്റെ വിവിധ ഭാഗങ്ങളിലായി 19 ഫുഡ് ട്രക്കുകള്‍ പങ്കെടുക്കുമെന്ന് സംഘാടകര്‍ അറിയിച്ചു.
വേനല്‍ക്കാലത്തെ തിരക്കേറിയ വിനോദസഞ്ചാര സീസണിന് പിന്നാലെ ശരത്കാലത്തേക്ക് ചില താമസസൗകര്യങ്ങള്‍ ലഭ്യമാണെന്ന് സ്മിത്ത് പറഞ്ഞു. ജൂലൈയില്‍ തുടക്കം അല്‍പം മന്ദഗതിയിലായിരുന്നെങ്കിലും ഓഗസ്റ്റില്‍ വലിയ തിരക്കുണ്ടായതായി അദ്ദേഹം പറഞ്ഞു. കാനഡയുടെ വിവിധ ഭാഗങ്ങളില്‍നിന്നും യുഎസില്‍നിന്നും യൂറോപ്പില്‍നിന്നും കൂടുതല്‍ സന്ദര്‍ശകര്‍ എത്തിയതായും അദ്ദേഹം കൂട്ടിച്ചേര്‍ത്തു.
ALSO READ: ബെർമുഡയിൽ നിന്ന് ബോസ്റ്റണിലേക്ക് പോയ എയർ ആംബുലൻസ് കാണാതായി; ആറുപേർക്കായി തിരച്ചിൽ ഊർജിതം
അതിനിടെ, കേപ് ബ്രിട്ടന്‍ ഹൈലാന്‍ഡ്‌സ് നാഷണല്‍ പാര്‍ക്കിലെ മകിന്റോഷ് ബ്രൂക്ക് മേഖലയില്‍ വ്യാഴാഴ്ച ഒരു സന്ദര്‍ശകനെ കയോട്ടി കടിച്ചിരുന്നു. മനുഷ്യരെ ഭയപ്പെടാതെ നിരന്തരം ജീവനക്കാരുടെ അടുത്തേക്ക് എത്തിയതിനെ തുടര്‍ന്ന് ഒരു കയോട്ടിയെ കൊന്നതായി പാര്‍ക്‌സ് കാനഡ അറിയിച്ചു. പാതകളിലൂടെ സഞ്ചരിക്കുമ്പോള്‍ ജാഗ്രത പാലിക്കണമെന്നും ഒറ്റയ്ക്ക് പോകുന്നത് ഒഴിവാക്കണമെന്നും അധികൃതര്‍ നിര്‍ദേശിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
‘Cape Breton Fall Colours’
