ആൽബർട്ട അഡ്വാന്റേജ് ഇമിഗ്രേഷൻ പ്രോഗ്രാം (AAIP) തങ്ങളുടെ ഏറ്റവും പുതിയ നോമിനേഷൻ വിശദാംശങ്ങളും ഡ്രോ ഫലങ്ങളും പുറത്തുവിട്ടു. 2026 സെപ്റ്റംബർ 9-ന് പുറത്തുവിട്ട വിവരങ്ങൾ പ്രകാരം, ആൽബർട്ടയിലെ തൊഴിൽ മേഖലയിലെ ഒഴിവുകളും മുൻഗണനകളും പരിഗണിച്ചാണ് യോഗ്യരായ അപേക്ഷകർക്ക് അവസരം നൽകിയിരിക്കുന്നത്.
ഈ പുതിയ അപ്ഡേറ്റ് പ്രകാരം 2026 സെപ്റ്റംബർ 9-ന് നടന്ന ഏറ്റവും പുതിയ ഡ്രോയിൽ ഡെഡിക്കേറ്റഡ് ഹെൽത്ത് കെയർ പാത്ത്വേ (Dedicated Health Care Pathway – Express Entry) വഴി കുറഞ്ഞത് 60 സ്കോർ നേടിയ 51 പേർക്ക് ഇൻവിറ്റേഷൻസ് (ITA) ലഭിച്ചു. സെപ്റ്റംബർ 3-ന് നടന്ന ഡ്രോയിൽ ആക്സിലറേറ്റഡ് ടെക് പാത്ത്വേ (Accelerated Tech Pathway) വഴി 96 പേർക്കും (കുറഞ്ഞ സ്കോർ: 60), സെപ്റ്റംബർ 1-ന് നടന്ന ഡ്രോയിൽ ആൽബർട്ട ഓപ്പർച്യൂണിറ്റി സ്ട്രീം (Alberta Opportunity Stream) വഴി 575 പേർക്കും (കുറഞ്ഞ സ്കോർ: 56) അവസരം ലഭിച്ചിട്ടുണ്ട്. ഇന്റർനാഷണൽ ഗ്രാജുവേറ്റ്സ്, ഫോറിൻ വർക്കേഴ്സ് അടക്കം വർക്കർ എക്സ്പ്രഷൻ ഓഫ് ഇൻട്രസ്റ്റ് (Worker EOI) പൂളിൽ നിലവിൽ ആകെ 35,957 അപേക്ഷകരാണ് അടുത്ത ഡ്രോകൾക്കായി കാത്തിരിക്കുന്നത്.
Also Read : BC PNP ഡ്രോ: സെപ്റ്റംബർ 10-ന് നടന്ന നറുക്കെടുപ്പിന്റെ വിശദാംശങ്ങൾ ഇതാ
ഈ പ്രോഗ്രാമിലേക്ക് യോഗ്യത നേടുന്നതിനായി 2026-ൽ ആരോഗ്യ മേഖല (Health Care), സാങ്കേതികവിദ്യ (Tech), നിർമാണം (Construction), വ്യോമയാനം, കൃഷി (Agriculture), റൂറൽ റിന്യൂവൽ സ്ട്രീമിലുള്ള (Rural Renewal Stream) നിശ്ചിത കമ്മ്യൂണിറ്റികൾ എന്നീ മേഖലകളിലെ തൊഴിലുകൾക്ക് AAIP പ്രത്യേക മുൻഗണന നൽകുന്നു. കൂടാതെ ഡോക്ടർമാർക്കും ഫ്രഞ്ച് ഭാഷ സംസാരിക്കുന്ന ഫ്രാങ്കോഫോൺ (Francophone) അപേക്ഷകർക്കും അധിക ഫെഡറൽ ക്വോട്ടകളും ലഭ്യമാണ്. നിലവിൽ ആൽബർട്ട ഓപ്പർച്യൂണിറ്റി സ്ട്രീമിൽ ജൂൺ 17 വരെയും, റൂറൽ റിന്യൂവൽ സ്ട്രീമിൽ ഓഗസ്റ്റ് 11 വരെയും ലഭിച്ച അപേക്ഷകളാണ് പ്രോസസ്സ് ചെയ്യുന്നത്. കൃത്യമായ എല്ലാ രേഖകളും ഉൾപ്പെടുത്തിയാൽ അപേക്ഷകൾ വേഗത്തിൽ പ്രോസസ്സ് ചെയ്യപ്പെടുമെന്നും, ക്വോട്ടകളും അപേക്ഷാ രീതികളും മുൻകൂട്ടി അറിയിപ്പില്ലാതെ മാറാൻ സാധ്യതയുണ്ടെന്നും AAIP വ്യക്തമാക്കിയിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
AAIP Draw: Find out the details of the draws held on September 1, 3, and 9, 2026.
