ഓഷവ: പൂജയുടെ മറവിൽ യുവതിയെ ആളൊഴിഞ്ഞ സ്ഥലത്തുവെച്ച് ലൈംഗികമായി അതിക്രമിച്ച കേസിൽ അമേരിക്കൻ പൗരനായ ഹിന്ദു പുരോഹിതനെ കാനഡ പോലീസ് അറസ്റ്റ് ചെയ്തു. ന്യൂയോർക്ക് സ്വദേശിയായ രാജേന്ദ്രനാഥ് ദൂദ് നാഥ് മഹാരാജ് (50) ആണ് ഒന്റാറിയോയിലെ ഓഷവയിൽ വെച്ച് കസ്റ്റഡിയിലായത്. കുടുംബത്തിന്റെ ക്ഷണം സ്വീകരിച്ചെത്തിയ ഇയാൾ യുവതിയുടെ ശരീരത്തിൽ ബാധയുണ്ടെന്ന് വിശ്വസിപ്പിച്ചാണ് അതിക്രമം നടത്തിയത്.
സംഭവം ഇങ്ങനെ
കുടുംബത്തിലെ പ്രത്യേക പൂജകൾക്കായാണ് പുരോഹിതനായ രാജേന്ദ്രനാഥിനെ കാനഡയിലേക്ക് വിളിപ്പിച്ചത്. ചടങ്ങുകൾക്കിടെ യുവതിയുടെ ശരീരത്തിൽ ബാധ കേറിയിട്ടുണ്ടെന്നും അത് ഒഴിപ്പിക്കാൻ പ്രത്യേക പ്രാർത്ഥനകൾ ആവശ്യമാണെന്നും ഇയാൾ കുടുംബത്തെ ധരിപ്പിച്ചു. തുടർന്ന് പൂജയുടെ ഭാഗമായി യുവതിയെ ആളൊഴിഞ്ഞ ഒരു സ്ഥലത്തേക്ക് കൊണ്ടുപോവുകയും അവിടെവെച്ച് ലൈംഗികമായി ഉപദ്രവിക്കുകയുമായിരുന്നു എന്ന് ഡർഹാം റീജിയണൽ പോലീസ് അറിയിച്ചു.
പോലീസ് അന്വേഷണവും തുടർനടപടിയും
യുവതിയുടെ പരാതിയെ തുടർന്ന് ഉടനടി സ്ഥലത്തെത്തിയ പോലീസ് പ്രതിയെ അറസ്റ്റ് ചെയ്യുകയും കോടതിയിൽ ഹാജരാക്കുകയും ചെയ്തു. സമാനമായ രീതിയിൽ ഇയാൾ മുൻപും ആളുകളെ വഞ്ചിക്കുകയോ അതിക്രമത്തിന് ഇരയാക്കുകയോ ചെയ്തിട്ടുണ്ടോ എന്ന് പോലീസ് സംശയിക്കുന്നുണ്ട്. ഇതുമായി ബന്ധപ്പെട്ട് എന്തെങ്കിലും വിവരങ്ങൾ ലഭിക്കുന്നവർ ഉടനടി ഡർഹാം പോലീസുമായി ബന്ധപ്പെടണമെന്ന് അധികൃതർ അഭ്യർത്ഥിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
American pastor arrested in Canada for sexually assaulting a young woman under the guise of an exorcism.
