ആൽബർട്ട അഡ്വാന്റേജ് ഇമിഗ്രേഷൻ പ്രോഗ്രാം (AAIP) തങ്ങളുടെ ഏറ്റവും പുതിയ നറുക്കെടുപ്പ് ഫലങ്ങൾ പുറത്തുവിട്ടു. കാനഡയിൽ സ്ഥിരതാമസം (PR) ആഗ്രഹിക്കുന്നവർക്ക് വലിയ പ്രതീക്ഷ നൽകുന്നതാണ് പുതിയ പ്രഖ്യാപനം.
2026 ജൂലൈ 14, 15 തീയതികളിലായി നടന്ന ആൽബർട്ട PNP ഡ്രോയിലൂടെ (Alberta PNP draw) മൊത്തം 884 സ്ഥാനാർഥികൾക്കാണ് സ്ഥിരതാമസത്തിനായി അപേക്ഷിക്കാനുള്ള ക്ഷണം (ITA) ലഭിച്ചത്. ഇതിൽ ജൂലൈ 15-ന് നടന്ന ആൽബർട്ട ഓപ്പർച്യൂണിറ്റി സ്ട്രീം – Alberta Opportunity Stream (International Student / Foreign Worker) വഴി 53 എന്ന കുറഞ്ഞ EOI സ്കോറോടെ 833 പേർക്കും, ജൂലൈ 14-ന് നടന്ന ഡെഡിക്കേറ്റഡ് ഹെൽത്ത് കെയർ പാത്ത്വേ – Dedicated Health Care Pathway വിഭാഗത്തിലൂടെ 52 എന്ന കുറഞ്ഞ സ്കോറോടെ 51 പേർക്കുമാണ് കാനഡയിലേക്ക് വഴിതുറന്നത്.
ആൽബർട്ട ഓപ്പർച്യൂണിറ്റി സ്ട്രീമിൽ നിലവിൽ ആൽബർട്ടയിൽ സാധുവായ വർക്ക് പെർമിറ്റിൽ ജോലി ചെയ്യുന്ന വിദേശ തൊഴിലാളികൾക്കാണ് (Foreign Workers) അവസരം ലഭിച്ചത്. ഈ വിഭാഗത്തിൽ കുറഞ്ഞ Expression of Interest (EOI) സ്കോർ 53 മാത്രമായിരുന്നു എന്നത് ഈ വർഷത്തെ ഏറ്റവും വലിയ പ്രത്യേകതയാണ്. ഹെൽത്ത് കെയർ പാത്ത്വേയിൽ ഡോക്ടർമാർ, രജിസ്റ്റേർഡ് നഴ്സുമാർ തുടങ്ങിയ ആരോഗ്യമേഖലാ പ്രവർത്തകർക്കാണ് (Health Care Focus) മുൻഗണന നൽകിയത്. ഇതിലെ കുറഞ്ഞ സ്കോർ 52 ആയിരുന്നു. 2026-ൽ ആൽബർട്ടയ്ക്ക് ആകെ 6,403 നോമിനേഷൻ സ്ലോട്ടുകൾ അനുവദിച്ചിട്ടുള്ളതിനാൽ, വരും മാസങ്ങളിലും കൂടുതൽ ഡ്രോകൾ നടക്കാനും കൂടുതൽ അപേക്ഷകർക്ക് അവസരം ലഭിക്കാനും സാധ്യതയുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
AAIP Draw: Here are the details of the draws held on July 14 and 15, 2026.
