ഹാലിഫാക്സ്: കാനഡയിലെ ഹാലിഫാക്സിൽ ഹോട്ടൽ മുറികൾ ലഭിക്കാനില്ലാത്ത അവസ്ഥ. മുറികളുടെ ലഭ്യതക്കുറവ് നഗരത്തിലെ ഹോട്ടൽ വാടക കുതിച്ചുയരാൻ കാരണമായിരിക്കുകയാണ്. വരാനിരിക്കുന്ന വാരാന്ത്യങ്ങളിൽ നഗരഹൃദയത്തിൽ ഒരു രാത്രി തങ്ങണമെങ്കിൽ 400 മുതൽ 700 ഡോളർ വരെയാണ് ചെലവ്.
നഗരത്തിൽ ആവശ്യത്തിന് ഹോട്ടലുകൾ ഇല്ലാത്തതാണ് ഈ പ്രതിസന്ധിക്ക് പ്രധാന കാരണമെന്ന് ഡൗൺടൗൺ ഡാർട്ട്മൗത്ത് ബിസിനസ് കമ്മീഷൻ സിഇഒ ടിം റിസെസ്കോ പറയുന്നു. കൂടുതൽ ഹോട്ടലുകൾ വന്നാൽ മാത്രമേ വാടകയിൽ കുറവുണ്ടാകൂ എന്നും അദ്ദേഹം ചൂണ്ടിക്കാട്ടുന്നു. നിലവിൽ ഹാലിഫാക്സ് മുനിസിപ്പാലിറ്റിയിൽ ആകെ 7,000 ഹോട്ടൽ മുറികൾ മാത്രമാണുള്ളത്.
അന്താരാഷ്ട്ര കായിക മാമാങ്കമായ ‘സെയ്ൽ ജിപി’ (SailGP) പോലുള്ള പ്രധാന പരിപാടികൾ നടക്കുന്നതിനാൽ വിനോദസഞ്ചാരികളുടെ വലിയ തിരക്കാണ് അനുഭവപ്പെടുന്നത്. പരിപാടികൾക്കായി എത്തുന്നവർ നഗരം ചുറ്റിക്കാണാൻ കൂടി സമയം കണ്ടെത്തുന്നതോടെ മുറികൾക്ക് വൻ ഡിമാൻഡാണ്. ജൂലൈ, ഓഗസ്റ്റ് മാസങ്ങളിൽ വിനോദസഞ്ചാരികളുടെ എണ്ണം കൂടുന്നതോടെ വാടക ഇനിയും വർധിക്കാനാണ് സാധ്യത.
Halifax hotel room shortage leading to sky-high prices
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Halifax hotel room shortage leading to sky-high prices
