മാരിടൈംസ്; മാരിടൈം പ്രവിശ്യകളിൽ വസന്തകാലത്തും ശൈത്യകാലത്തിന് സമാനമായ കടുത്ത തണുപ്പ് തുടരുകയാണ്. ഏപ്രിൽ മാസത്തെ ശരാശരി താപനിലയേക്കാൾ ഏറെ താഴോട്ട് പോയതോടെ പ്രവിശ്യയിലെ പല നഗരങ്ങളിലും പുതിയ റെക്കോർഡുകൾ കുറിക്കപ്പെട്ടു. ഇന്ന് പുലർച്ചെ ഡോക്ടൗണിൽ -7.7 ഡിഗ്രി സെൽഷ്യസും ഷാർലറ്റ്ടൗണിൽ -7.6 ഡിഗ്രി സെൽഷ്യസും താപനില രേഖപ്പെടുത്തി. ഇതിനുപുറമെ സെന്റ് സ്റ്റീഫൻ, ഗ്രാൻഡ് മനൻ എന്നിവിടങ്ങളിലും റെക്കോർഡ് തണുപ്പാണ് അനുഭവപ്പെട്ടത്. ലബ്രഡോർ, ക്യുബക്ക് ഭാഗങ്ങളിൽ നിന്നുള്ള തണുത്ത കാറ്റും അന്തരീക്ഷത്തിന്റെ ഉപരിതലത്തിലുള്ള അസാധാരണമായ തണുപ്പുമാണ് ഈ കാലാവസ്ഥാ വ്യതിയാനത്തിന് പ്രധാന കാരണമായി കാലാവസ്ഥാ നിരീക്ഷകർ ചൂണ്ടിക്കാട്ടുന്നത്.
വ്യാഴാഴ്ചയോടെ മേഖലയിൽ മഴയ്ക്കൊപ്പം മഞ്ഞുവീഴ്ചയ്ക്കും സാധ്യതയുണ്ടെന്നാണ് പുതിയ പ്രവചനം. ന്യൂ ബ്രൺസ്വിക്, നോവ സ്കോഷ്യ തുടങ്ങിയ മേഖലകളിൽ രാവിലെ തന്നെ മഞ്ഞുവീഴ്ച ഉണ്ടായേക്കാം. ചിലയിടങ്ങളിൽ 2 മുതൽ 5 സെന്റിമീറ്റർ വരെ മഞ്ഞ് വീഴാൻ സാധ്യതയുണ്ടെങ്കിലും ഭൂമിയിലെ ചൂട് കാരണം ഇത് പെട്ടെന്ന് തന്നെ ഉരുകിപ്പോകാനാണ് സാധ്യത. എങ്കിലും കെട്ടിടങ്ങളുടെ മുകളിലും മരച്ചില്ലകളിലും മഞ്ഞ് അടിഞ്ഞുകൂടിയേക്കാം. ഉയർന്ന പ്രദേശങ്ങളിൽ താമസിക്കുന്നവർ കൂടുതൽ ജാഗ്രത പാലിക്കണം.
മാരിടൈംസിന് പുറമെ ന്യൂഫൗണ്ട്ലാൻഡ് ആൻഡ് ലാബ്രഡോറിലും സസ്കാച്ചവൻ, മാനിറ്റോബ തുടങ്ങിയ പ്രവിശ്യകളിലും കനത്ത മഞ്ഞുവീഴ്ച തുടരുകയാണ്. മാനിറ്റോബയിലും സസ്കാച്ചവനിലും 50 സെന്റിമീറ്റർ വരെ മഞ്ഞ് വീഴാൻ സാധ്യതയുള്ളതിനാൽ വിന്റർ സ്റ്റോം മുന്നറിയിപ്പ് നൽകിയിട്ടുണ്ട്. എന്നാൽ ഈ തണുപ്പ് താൽക്കാലികമാണെന്നും അടുത്ത ആഴ്ചയോടെ അന്തരീക്ഷം സാധാരണ നിലയിലേക്ക് മടങ്ങുമെന്നും ഏപ്രിൽ അവസാനത്തോടെ താപനില ഉയരുമെന്നുമാണ് കാലാവസ്ഥാ നിരീക്ഷണ കേന്ദ്രം നൽകുന്ന ആശ്വാസകരമായ വാർത്ത.
Low temperature records set in Maritimes, chances of snow on Thursday
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
