ഡബ്ലിൻ: അയർലൻഡിൽ മലയാളിക്ക് നേരെ വംശീയാക്രമണം. വയറിനു കുത്തേറ്റ യുവാവ് ആശുപത്രിയിയിൽ ചികിത്സയിലാണ്. രാത്രി പത്ത് മണിയോടെ പാൽ വാങ്ങാനായി വീട്ടിൽ നിന്നും പുറത്തിറങ്ങിയ മലയാളി നഴ്സിനാണ് ഒരു സംഘം കൗമാരക്കാരുടെ ആക്രമണത്തിൽ പരിക്കേറ്റത്. ‘ഗോ ബാക്ക് ഇന്ത്യ’ എന്ന് ആക്രോശിച്ചെത്തിയ അക്രമിസംഘം യുവാവിന്റെ വയറിന് കുത്തുകയായിരുന്നു. ആക്രമണത്തിന് ശേഷം റോഡിലിറങ്ങി വാഹനം തടഞ്ഞുനിർത്തി സഹായം അഭ്യർത്ഥിച്ച യുവാവിനെ ഉടൻ തന്നെ ആശുപത്രിയിൽ പ്രവേശിപ്പിച്ചു. നിലവിൽ അദ്ദേഹം അപകടനില തരണം ചെയ്തിട്ടുണ്ടെന്നാണ് ലഭ്യമാകുന്ന വിവരം.
അയർലൻഡിൽ വിദേശികൾക്കെതിരെയുള്ള വിദ്വേഷം വീണ്ടും ശക്തിപ്പെടുന്നതിന്റെ സൂചനയായാണ് ഈ സംഭവം വിലയിരുത്തപ്പെടുന്നത്. തണുപ്പുകാലം അവസാനിച്ചതോടെ ലഹരിമരുന്നിനും മദ്യത്തിനും അടിമകളായ യുവാക്കളും കൗമാരക്കാരും രാത്രി വൈകിയും തെരുവുകളിൽ തങ്ങുന്നത് പതിവായിട്ടുണ്ട്. ഇത്തര സാഹചര്യങ്ങളിൽ വിദേശികൾ ഒറ്റപ്പെട്ട സ്ഥലങ്ങളിൽ ചെന്നുപെടുന്നത് വലിയ സുരക്ഷാ ഭീഷണിയാണ് ഉയർത്തുന്നത്. അതിനാൽ പ്രവാസികൾ രാത്രികാലങ്ങളിൽ പുറത്തിറങ്ങുമ്പോൾ അതീവ ജാഗ്രത പാലിക്കണമെന്നും ഒറ്റയ്ക്കുള്ള യാത്രകൾ ഒഴിവാക്കണമെന്നും നിർദ്ദേശമുണ്ട്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ടെങ്കിലും കൂടുതൽ വിവരങ്ങൾ ലഭ്യമായിട്ടില്ല.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Malayali nurse attacked in Ireland by a group of teenagers shouting ‘Go back India’
