നോവ സ്കോഷ്യ: നോവ സ്കോഷ്യയിൽ കുറഞ്ഞ വേതനത്തിൽ വർധനവ് വരുത്തിക്കൊണ്ടുള്ള സർക്കാർ ഉത്തരവ് പ്രാബല്യത്തിൽ വന്നു. ഏപ്രിൽ ഒന്ന് മുതൽ പുതുക്കിയ നിരക്ക് പ്രകാരം മിനിമം വേജ് മണിക്കൂറിന് 16.75 ഡോളറായി ഉയർന്നു. നേരത്തെ ഇത് 16.50 ഡോളറായിരുന്നു. ഈ വർഷം ഒക്ടോബർ ഒന്നിന് വേതനം വീണ്ടും വർധിപ്പിക്കുമെന്നും അന്ന് മുതൽ മണിക്കൂറിന് 17 ഡോളർ നിരക്കിലാകും തൊഴിലാളികൾക്ക് വേതനം ലഭിക്കുകയെന്നും പ്രവിശ്യാ സർക്കാർ അറിയിച്ചു. ഉപഭോക്തൃ വില സൂചികയും അതിനൊപ്പം ഒരു ശതമാനം അധികവും കണക്കിലെടുത്താണ് നിലവിലെ വർധനവ് നടപ്പിലാക്കിയിരിക്കുന്നത്.
തൊഴിലാളികളുടെയും തൊഴിലുടമകളുടെയും പ്രതിനിധികൾ അടങ്ങുന്ന മിനിമം വേജ് റിവ്യൂ കമ്മിറ്റിയുടെ ശുപാർശ അംഗീകരിച്ചാണ് സർക്കാരിന്റെ ഈ നടപടി. നിത്യജീവിതത്തിലെ ചെലവുകൾ വർധിച്ചുവരുന്ന സാഹചര്യത്തിൽ സാധാരണക്കാരായ തൊഴിലാളികൾക്ക് ഈ വർധനവ് വലിയ ആശ്വാസമാകുമെന്ന് തൊഴിൽ മന്ത്രി നോലൻ യങ്ങ് പറഞ്ഞു. 2021 ഏപ്രിലിൽ 12.95 ഡോളറായിരുന്ന വേതനം കഴിഞ്ഞ അഞ്ച് വർഷത്തിനിടെ എട്ടു തവണയാണ് നോവ സ്കോഷിയ സർക്കാർ ഉയർത്തിയത്. വേതന വർധനവിന് പുറമെ നികുതിയിളവുകൾ, ഭവന പദ്ധതികൾ, ഇന്ധന സഹായം തുടങ്ങി വിവിധ ക്ഷേമ പദ്ധതികളിലൂടെ ജനങ്ങളുടെ ജീവിതഭാരം കുറയ്ക്കാനുള്ള നടപടികൾ തുടരുമെന്നും സർക്കാർ വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Nova Scotia raises minimum wage to $16.75 per hour
