ചെന്നൈ: പ്രമുഖ തമിഴ് ചലച്ചിത്ര നടനും ടിവികെ അധ്യക്ഷനുമായ വിജയ്യുടെ ഭാര്യ സംഗീത വിവാഹമോചനത്തിന് അപേക്ഷ നൽകി. ചെങ്കൽപെട്ട് കുടുംബ കോടതിയിൽ ഫയൽ ചെയ്ത ഹർജി പരിഗണിച്ച കോടതി, വരുന്നത് ഏപ്രിൽ 20-ന് നേരിട്ട് ഹാജരാകാൻ നടൻ വിജയ്ക്ക് നിർദേശം നൽകി. ചൊവ്വാഴ്ചയാണ് സംഗീത കോടതിയെ സമീപിച്ചത്.
വിജയ്ക്കെതിരെ ഗുരുതരമായ ആരോപണങ്ങളാണ് ഹർജിയിൽ ഉന്നയിച്ചിരിക്കുന്നത്. മറ്റൊരു നടിയുമായുള്ള ബന്ധത്തെച്ചൊല്ലി കുടുംബത്തിൽ അസ്വാരസ്യങ്ങൾ നിലനിന്നിരുന്നതായും 2021 ഏപ്രിൽ മുതൽ താൻ കടുത്ത മാനസിക സമ്മർദ്ദത്തിലാണെന്നും സംഗീത ഹർജിയിൽ ചൂണ്ടിക്കാട്ടുന്നു. ഈ ബന്ധം അവസാനിപ്പിക്കാമെന്ന് വിജയ് നേരത്തെ ഉറപ്പുനൽകിയിരുന്നെങ്കിലും അത് പാലിക്കപ്പെട്ടില്ലെന്നും ഹർജിയിൽ ആരോപിക്കുന്നു. നിലവിൽ നീലാങ്കരയിലെ വീട്ടിൽ ഇരുവരും വേർപിരിഞ്ഞാണ് താമസിക്കുന്നത്.
1998-ൽ യു കെയിൽ വെച്ചായിരുന്നു വിജയ്യുടെയും സംഗീതയുടെയും വിവാഹം നടന്നത്. ദീർഘകാലത്തെ ദാമ്പത്യത്തിന് ശേഷമാണ് ഇപ്പോൾ നിയമപരമായ വേർപിരിയലിലേക്ക് നീങ്ങുന്നത്. രാഷ്ട്രീയ പാർട്ടി രൂപീകരിച്ച് തമിഴ്നാട് നിയമസഭാ തിരഞ്ഞെടുപ്പിന് ഒരുങ്ങുന്ന വിജയ്ക്ക് ഈ നിയമപോരാട്ടം വലിയ തിരിച്ചടിയായാണ് വിലയിരുത്തപ്പെടുന്നത്. വിവാഹമോചനത്തിന് വിജയ് സമ്മതിക്കാത്തതിനാലാണ് കോടതിയെ സമീപിച്ചതെന്നും സംഗീത വ്യക്തമാക്കിയിട്ടുണ്ട്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/KdmCA708iUa8aT1Ocx1qs1?mode=gi_t
Secret relationship with another actress: Actor Vijay's wife files for divorce; directed to appear in court on April 20
