സസ്കാച്ചെവാൻ; മക്കളുടെ സുരക്ഷയാണോ അതോ ട്രാഫിക് നിയമങ്ങളാണോ വലുത്? സസ്കാച്ചെവാനിലെ ഒരു അമ്മ ഇപ്പോൾ ചോദിക്കുന്നത് ഈ ചോദ്യമാണ്. റോഡരികിൽ പാർക്ക് ചെയ്തതിന് തനിക്ക് കിട്ടിയ പിഴ ശിക്ഷയ്ക്കെതിരെ പ്രതികരിക്കുകയാണ് കാറ്റി ജാക്സൺ എന്ന യുവതി. വെറുമൊരു നിയമലംഘനത്തിനപ്പുറം, മാനുഷിക പരിഗണനകൾക്ക് ഇവിടെ സ്ഥാനമില്ലേ എന്ന ഗൗരവകരമായ ചർച്ചയ്ക്കാണ് ഈ സംഭവം വഴിതുറന്നിരിക്കുന്നത്.
കഴിഞ്ഞ കുറച്ച് ദിവസങ്ങൾക്ക് മുൻപ് സാസ്കാറ്റൂൺ നഗരത്തിലൂടെ വണ്ടിയോടിച്ചു പോവുകയായിരുന്നു കാറ്റി. പെട്ടെന്നാണ് പിൻസീറ്റിലിരുന്ന തന്റെ ഒരു മാസം മാത്രം പ്രായമുള്ള കുഞ്ഞ് നിർത്താതെ കരയാൻ തുടങ്ങിയത്. കരഞ്ഞ് നീലനിറമായി വിയർക്കാൻ തുടങ്ങിയ കുഞ്ഞിനെ കണ്ടപ്പോൾ ഒരു അമ്മയെന്ന നിലയിൽ കാറ്റി ആകെ പരിഭ്രമിച്ചു. വണ്ടി ഓടിക്കുന്നത് കുഞ്ഞിന്റെ സുരക്ഷയ്ക്ക് ഭീഷണിയാകുമെന്ന് തോന്നിയ അവർ ഉടൻ തന്നെ അടുത്തുള്ള ഒരു പാർക്കിംഗ് സോണിലേക്ക് വണ്ടി ഒതുക്കി നിർത്തി.
കുഞ്ഞിനെ സമാധാനിപ്പിക്കാൻ നോക്കിയപ്പോഴാണ് അവൾക്ക് നന്നായി വിശന്നതും, പുറത്ത് മരവിപ്പിക്കുന്ന തണുപ്പായതുകൊണ്ട് തന്നെ കുഞ്ഞിനെയും എടുത്ത് പുറത്തിറങ്ങാൻ കഴിയാത്ത അവസ്ഥയുമായിരുന്നു കാറ്റി. ഒടുവിൽ വണ്ടിക്കുള്ളിൽ വെച്ച് തന്നെ കുഞ്ഞിന് പാല് കൊടുക്കാൻ തുടങ്ങി. എന്നാൽ, ഏകദേശം ഏഴ് മിനിറ്റോളം കഴിഞ്ഞപ്പോൾ കാര്യങ്ങൾ മാറിമറിഞ്ഞു. കുഞ്ഞിന് പാല് കൊടുത്തുകൊണ്ടിരുന്ന കാറ്റിയുടെ അടുത്തേക്ക് എത്തിയ പാർക്കിംഗ് എൻഫോഴ്സ്മെന്റ് ഓഫീസർ അവർക്ക് ഒരു പാർക്കിംഗ് ടിക്കറ്റ് കൈമാറുകയായിരുന്നു.
ആ സമയത്ത് ഫോണിൽ പാർക്കിംഗ് ആപ്പ് ഇല്ലാതിരുന്നതും, ഒരു കയ്യിൽ കുഞ്ഞും മറുകയ്യിൽ പാൽപ്പാല് കുപ്പിയുമായിരുന്നതിനാലും തനിക്ക് മീറ്ററിൽ പണമടയ്ക്കാൻ കഴിഞ്ഞില്ലെന്ന് കാറ്റി പറയുന്നു. “എനിക്ക് ആ നിമിഷം വണ്ടിയിൽ നിന്ന് ഇറങ്ങാനോ പണമടയ്ക്കാനോ കഴിയില്ലായിരുന്നു, ഞാൻ കുഞ്ഞിന്റെ കാര്യത്തിൽ ശ്രദ്ധിക്കുകയായിരുന്നു” – കാറ്റി പറഞ്ഞു. ഒരു താക്കീത് എങ്കിലും നൽകാമായിരുന്നു എന്ന് അവർ ആഗ്രഹിക്കുന്നുണ്ടെങ്കിലും, നിയമം എല്ലാവർക്കും ഒരുപോലെയാണെന്ന നിലപാടിലായിരുന്നു അധികൃതർ.
ഈ വിഷയത്തിൽ സാസ്കാറ്റൂൺ സിറ്റി അധികൃതർ നൽകുന്ന വിശദീകരണം മറ്റൊന്നാണ്. വണ്ടിയിൽ ആളുണ്ടെങ്കിലും എൻജിൻ ഓഫാണെങ്കിലും പാർക്കിംഗ് സോണിൽ വണ്ടി നിർത്തിയാൽ പണമടയ്ക്കണം എന്നതാണ് നിയമം. ഈ സംഭവത്തിൽ നഗരസഭ ഖേദം പ്രകടിപ്പിക്കുന്നുണ്ടെങ്കിലും പിഴ ഒഴിവാക്കാൻ തയ്യാറായില്ല. 35 ഡോളർ പിഴ അടച്ചില്ലെങ്കിൽ അത് 60 ഡോളറായി ഉയരുമെന്നതിനാൽ കാറ്റി പണമടച്ചു കഴിഞ്ഞു. കാറ്റിയുടെ ഭർത്താവ് അലക്സ് ഇതിനെതിരെ അപ്പീൽ നൽകിയെങ്കിലും അധികൃതർ അത് തള്ളിക്കളയുകയായിരുന്നു. “ഒരു കുഞ്ഞിന് പാല് കൊടുക്കുന്നത് കണ്ടിട്ടും നിയമം പറഞ്ഞ് പിഴ ഈടാക്കുന്നത് ശരിയല്ല” എന്നാണ് ഈ ദമ്പതികളുടെ പക്ഷം. റോഡിൽ ഫോൺ വന്നാൽ വണ്ടിയൊതുക്കി സംസാരിക്കുന്നത് പോലെ തന്നെ പ്രധാനമല്ലേ കരയുന്ന കുഞ്ഞിനെ സമാധാനിപ്പിക്കാൻ വണ്ടിയൊതുക്കുന്നത് എന്നാണ് കാറ്റി ചോദിക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
/its-bogus-sask-mother-handed-parking-ticket-after-stopping-to-attend-to-newborn/
