ഒട്ടാവ: കാനഡയിലെ യുവജനങ്ങൾക്കിടയിൽ തൊഴിലില്ലായ്മ നിരക്ക് കുതിച്ചുയരുന്നതായി റിപ്പോർട്ട്. 2025 സെപ്റ്റംബറിലെ കണക്കുകൾ പ്രകാരം രാജ്യത്തെ യുവാക്കൾക്കിടയിലെ തൊഴിലില്ലായ്മ നിരക്ക് 14.7 ശതമാനമായി വർദ്ധിച്ചു. കോവിഡ് മഹാമാരിയുടെ കാലഘട്ടം ഒഴിവാക്കിയാൽ കഴിഞ്ഞ 15 വർഷത്തിനിടയിലെ ഏറ്റവും ഉയർന്ന നിരക്കാണിതെന്ന് സ്റ്റാറ്റിസ്റ്റിക്സ് കാനഡ വ്യക്തമാക്കുന്നു.
രാജ്യം നേരിടുന്ന സാമ്പത്തിക മാന്ദ്യവും അയൽരാജ്യമായ അമേരിക്ക ഏർപ്പെടുത്തിയ പുതിയ വ്യാപാര നികുതികളുമാണ് (tariffs) തൊഴിൽ വിപണിയെ തളർത്തിയത്. അമേരിക്കൻ നടപടികൾ മൂലം കാനഡയിലെ വ്യവസായ സ്ഥാപനങ്ങളുടെ ഉൽപ്പാദനത്തെയും വികസന സാധ്യതകളെയും ബാധിച്ചു. ഇത് പുതിയ നിയമനങ്ങളെയും നിലവിലുള്ള ബിസിനസ് വിപുലീകരണങ്ങളെയും മന്ദീഭവിപ്പിച്ചിരിക്കുകയാണ്.
കമ്പനികൾ ചിലവ് ചുരുക്കുന്നതിന്റെ ഭാഗമായി പുതിയ ഉദ്യോഗാർത്ഥികളെ എടുക്കുന്നത് കുറച്ചതും നിലവിലുള്ള ജീവനക്കാരുടെ എണ്ണം വെട്ടിക്കുറച്ചതും യുവതലമുറയെയാണ് ഏറ്റവും കൂടുതൽ ബാധിച്ചത്. പഠനം കഴിഞ്ഞ് പുറത്തിറങ്ങുന്ന ബിരുദധാരികൾക്ക് അനുയോജ്യമായ ജോലികൾ കണ്ടെത്താൻ സാധിക്കാത്തത് വലിയ സാമൂഹിക സാമ്പത്തിക ആശങ്കകൾക്ക് വഴിവെച്ചിട്ടുണ്ട്.
നിലവിലെ സാഹചര്യത്തിൽ തൊഴിൽ വിപണിയിലെ ഈ തിരിച്ചടി കാനഡയുടെ സാമ്പത്തിക വളർച്ചയെ ദീർഘകാലാടിസ്ഥാനത്തിൽ ബാധിക്കുമെന്നാണ് സാമ്പത്തിക വിദഗ്ധരുടെ വിലയിരുത്തൽ. പ്രശ്നപരിഹാരത്തിനായി സർക്കാരിന്റെ ഭാഗത്തുനിന്ന് പ്രത്യേക സാമ്പത്തിക പാക്കേജുകളും തൊഴിലധിഷ്ഠിത പദ്ധതികളും ഉണ്ടാകുമെന്ന പ്രതീക്ഷയിലാണ് ജനങ്ങൾ.
Canada's youth unemployed; Youth unemployment at 15-year high, report says
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
