ഒന്റാറിയോ: തെക്കൻസ് ഒന്റാറിയോ സോഷ്യൽ ക്ലബ്ബിന്റെ ആഭിമുഖ്യത്തിൽ ഒന്റാറിയോയിലെ ക്നാനായ കുടുംബങ്ങളെ ഒന്നിപ്പിച്ചുകൊണ്ട് വിപുലമായ ക്രിസ്മസ്-പുതുവത്സര ആഘോഷങ്ങൾ സംഘടിപ്പിക്കുന്നു. ഡിസംബർ 27 ശനിയാഴ്ച വൈകുന്നേരം ആറ് മണിക്ക് എയ്ജാക്സിലെ 400 മൊണാർക്ക് അവന്യൂവിലുള്ള ഹാളിലാണ് (400 Monarch Ave, Ajax, ON L1S 3W5) വർണ്ണാഭമായ ഈ ‘ഗാല നൈറ്റ്’ അരങ്ങേറുന്നത്. ആഘോഷങ്ങളോടൊപ്പം വിവിധ കലാപരിപാടികളും വിരുന്നും ഉൾപ്പെടെയുള്ള വിപുലമായ ഒരുക്കങ്ങളാണ് സംഘാടകർ പൂർത്തിയാക്കിയിരിക്കുന്നത്.
ദുർഹം റീജിയൻ, പീറ്റർബറോ, കിങ്സ്റ്റൺ, ബെല്ലെവിൽ, സ്കാർബ്റോ, മാർക്കം, സ്റ്റൗഫ്വിൽ എന്നിവിടങ്ങളിൽ താമസിക്കുന്ന നിരവധി ക്നാനായ കുടുംബങ്ങൾ ഈ വർഷത്തെ ആഘോഷരാവിൽ പങ്കുചേരും. ക്രിസ്മസ്-പുതുവത്സര സന്തോഷം പങ്കുവെക്കാനും കമ്മ്യൂണിറ്റി അംഗങ്ങൾ തമ്മിലുള്ള ബന്ധം കൂടുതൽ ദൃഢമാക്കാനുമുള്ള ഒരു വേദിയായിട്ടാണ് ഈ സംഗമത്തെ സോഷ്യൽ ക്ലബ് ഭാരവാഹികൾ കാണുന്നത്. ഒന്റാറിയോയുടെ വിവിധ ഭാഗങ്ങളിൽ നിന്നുള്ള കുടുംബങ്ങളെ ഒന്നിപ്പിക്കുന്ന ഈ ആഘോഷം വ്യത്യസ്തമായ പരിപാടികൾ കൊണ്ട് സമ്പന്നമായിരിക്കുമെന്നും ഭാരവാഹികൾ അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Christmas-New Year Gala Night on December 27th
