കുടിയേറ്റത്തിനുള്ള എളുപ്പവഴികൾ
കാനഡയ്ക്ക് യു.എസിനെ അപേക്ഷിച്ച് കൂടുതൽ എളുപ്പമുള്ളതും കാര്യക്ഷമവുമായ കുടിയേറ്റ സംവിധാനമാണുള്ളത്. യു.എസിൽ ഗ്രീൻ കാർഡ് പോലെയുള്ള നടപടികൾക്ക് കോവിഡ് പോലുള്ള സാഹചര്യങ്ങളിൽ വലിയ കാലതാമസം നേരിടുന്നുണ്ട്. എന്നാൽ കാനഡയിൽ ജോലിക്കുള്ള വിസകളും മറ്റു അപേക്ഷകളും വളരെ വേഗത്തിൽ ലഭ്യമാവുന്നു. കാനഡ തങ്ങളുടെ സാമ്പത്തിക, ജനസംഖ്യാപരമായ ആവശ്യങ്ങൾക്കനുസരിച്ച് കുടിയേറ്റ നയങ്ങളിൽ മാറ്റങ്ങൾ വരുത്തുന്നു. കൂടാതെ, വിദഗ്ധ തൊഴിലാളികളെയും അഭയാർത്ഥികളെയും സഹായിക്കുന്നതിനായി റൂറൽ ആൻഡ് നോർത്തേൺ ഇമ്മിഗ്രേഷൻ പൈലറ്റ് (RNIP) പോലുള്ള വിവിധ പരിപാടികൾ അവർ നടപ്പിലാക്കുന്നു.
സാർവത്രിക ആരോഗ്യ പരിരക്ഷ
കാനഡയിൽ എല്ലാ പൗരന്മാർക്കും സ്ഥിരതാമസക്കാർക്കും നികുതിപ്പണം ഉപയോഗിച്ച് നടത്തുന്ന യൂണിവേഴ്സൽ ഹെൽത്ത് കെയർ സിസ്റ്റം ലഭ്യമാണ്. ഇത് ആശുപത്രി സേവനങ്ങൾ, ഡോക്ടർമാരുടെ സേവനങ്ങൾ തുടങ്ങിയവ സൗജന്യമായി നൽകുന്നു. എന്നാൽ യു.എസിൽ സ്വകാര്യ ഇൻഷുറൻസിനാണ് മുൻഗണന. ഇവിടെ ചികിത്സാ ചെലവുകൾ വളരെ കൂടുതലായതിനാൽ പല കുടിയേറ്റക്കാർക്കും ഇൻഷുറൻസ് ഇല്ലാതെ വലിയ സാമ്പത്തിക ബുദ്ധിമുട്ടുകൾ നേരിടേണ്ടി വരുന്നു.
കുറഞ്ഞ വിദ്യാഭ്യാസ ചെലവ്
യു.എസിലെ പ്രശസ്തമായ യൂണിവേഴ്സിറ്റികളിൽ ഉയർന്ന ഫീസാണ് ഈടാക്കുന്നത്. എന്നാൽ കാനഡയിൽ വിദ്യാഭ്യാസം കൂടുതൽ താങ്ങാനാവുന്നതാണ്. കാനഡയിലെ പ്രവിശ്യാ സർക്കാരുകൾ ഒന്റാറിയോ സ്റ്റുഡന്റ് അസിസ്റ്റൻസ് പ്രോഗ്രാം (OSAP) പോലുള്ള സാമ്പത്തിക സഹായങ്ങൾ നൽകുന്നു. ജോർജ് ബ്രൗൺ കോളേജിലെ ആർക്കിടെക്ചറൽ ടെക്നോളജി വിദ്യാർത്ഥിനിയായ നിയോഷാ ബോറൂമന് യു.എസിലെ സർവകലാശാലകളിൽ സ്കോളർഷിപ്പ് ലഭിച്ചിട്ടും, ഉയർന്ന ട്യൂഷൻ ഫീസ് കാരണം അവിടെ പഠിക്കാൻ കഴിഞ്ഞില്ല. പിന്നീട് കാനഡയിലേക്ക് മാറിയപ്പോൾ കുറഞ്ഞ ചെലവിൽ പഠനം പൂർത്തിയാക്കാൻ സാധിച്ചു.
കാനഡയിൽ തൊഴിലവസരങ്ങൾ യു.എസിനെ അപേക്ഷിച്ച് കുറവാണെങ്കിൽ പോലും, അവിടുത്തെ മെച്ചപ്പെട്ട കുടിയേറ്റ നയങ്ങളും, ആരോഗ്യ, വിദ്യാഭ്യാസ രംഗത്തെ ആനുകൂല്യങ്ങളും പല കുടിയേറ്റക്കാരെയും കാനഡയെ തിരഞ്ഞെടുക്കാൻ പ്രേരിപ്പിക്കുന്നു.
No US, enough Canada!; Immigrants embrace Canada with open arms, because!
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
